الله يوووفقكم ,,, ابي رااااايكم بليز لا تخلوووني بهالحاله والله ضااايقه

شوفي حبيبتي

انتي اظاهر توج بالدنيا مثل ما نقول بالكويتي عظمج طري

اقري كلامي عدل صحيح ان جاسي عليج بس لا تاخذينه من باب اني ضدج

بالعكس انا ما اعرفج مجرد منتدى بس انا اسمع بهالحالات مئات المرات

شوفي

الريال اذا حب يلعب لعبته ( لا تقولين حرام يحبني و ما ادري شنو ) يفكر له و يخترع له الف طريقة و طريقة

خلينا ناخذ الامور على محمل حسن النية

المفروض على الاقل ان يكلم امه و امه تكلم امج و يصير كلام بسيط جدام الامهات

على الاقل يخف الخوف و الضغط من بالج

اوكي اذا انتي تقولين ان اهوا اخو رفيجتج حاولي تصارحينها و اهيا اكيد راح تتفهم وضعج كونها من سنج و في لكم قااسم مشترك بالتفكير كونكم نفس العمر

و اهيا تكلم الام ( امها ) و بعدين يكلمون امج

و طبعا من الشي الطبيعي ان البنت اذا انخطبت تنخطب من الام و ساعتها امج بتقول و الله البنت مخطوبة

و بعدين ترى 4 شهور غمض فتح الا و اهيا خالصة

بس المهم لا تقعدين معلقة و لا تتصرفين مع اهلج بأي شي لما تشوفينه ان اهوا فعلا متمسك فيج و يبيج

و اذا اهلج و لا اهله عارضوا هليه اهوا يتصرف مو انتي سمعي كلامي و انت تربحين ان كل رفيجاتي سبحانه الله صج رفيجات كلهم مروا بنفس المشكة تقولين متفقين

الزبدة :

لايقعد يلحنلج على نغمة الحلم الوردي هالنغمة هذه ملينا و احنا نسمعها

خليه يتخذ خطوة قوليله تصرف مع اهلك انا نفسي ماني رافضتك و بس لو كنتي ميتة فيه بس عزي نفسج للمستقبل يمكن باجر يعاريرج يقولج ما صدقتيتي اني ييتج

خليه يخطبج و يروح الدورة و لما يرجع بالسلامة تملجون

لا تربطين مستقبلج بشي مجهول