تخطى إلى المحتوى
الرئيسية » عيب أسئل زوجي كم معاشك؟

عيب أسئل زوجي كم معاشك؟

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم بنوتات ..

الموضوع مبين من عنوانة

ودي أعرف و أستحي أسئلة .. نطرتة يقول من نفسة بس ما قال

و إللي أعرفة إن إهوا مايحب الخصوصية !! عيل ليش مايقولي ؟؟؟؟

عيب أسئل صح؟

14 أفكار بشأن “عيب أسئل زوجي كم معاشك؟”

  1. imilla
    الرد
    ليش ماتسالين حقج…اساليه عن الدرجات والعلاوات شلون …الخ وبمجمل الحديث اساليه بطريقة ماتبين ان همج تعرفين شكثر معاشه كثرماتبين تفهمين عن العلاوات….

  3. hamida
    الرد
    لا حبيبتي عادي سولفي معاه وابدي بنفسج قولي جم معاشج ولا لي توظفتي جم بيكون توقعين ومن هالحجي لما هووو ايقوول

  4. kouka
    الرد
    لااااااااصج فشييييييييله اذا قاااااال اهو خير وبركه ماقال لا احسه احرااااااج،،،،،وبعدين اهو بيقولج ،،،،لاتستعجلين…..

  5. salima
    الرد
    هالاشياء من الاتيكيت ما نسأل عنها ,, إذا قال اهو كان بها و إذا ما قال مو إلا ,, استغربت من اللي يقولون من حقج تعرفين ,, اهم شي ان مو مقصر معاج بشي ,, بعدي انتي خلج فطينه من مكان شغله بتعرفين جم معاشه بدون لا تسألينه اهو شخصيا ,

  7. kamiliya
    الرد
    عادي تسالينه .. ما فيها شي !

    و بيني له انه من باب المعرفه .. علشان ما يفهم انج ماديه على كلامج
    و الدنيا حياة و ممات .. و هذا شريك حياتج .. لازم تعرفين شنو اللي له و اللي عليه .. راتبه و التزاماته الماليه .

  10. imilla
    الرد
    انا الحين صارلي خمس سنوات متزوجه ولله الحمد
    ما قط مره سألته عن معاشه ولا اعرف جم ولا ابي اعرف
    تصدقين مايهمني لان اذا عنده ولاما عنده نفس الشي

    امبديني على نفسه ومو مقصر
    فليش اسأله
    ممكن اعرف انتي ليش تبين تعرفين؟؟؟؟؟

  11. madiha
    الرد
    حبيبتي ليش عيب تسألين بالعكس عادى وما اتوقع انه راح يتضايق لانه شى عادى انا كل يوم طايحه اسأله ما زادو معاشك ؟ ما عطوك بدلات ؟ جم معاشك الحين يعنى الشى عادي

  12. kamiliya
    الرد
    بالعكس أختي مافيها شي ..
    انا وريلي معودين بعض ان معاشي هو معاشه ومعاشه هو معاشي .. وقسمنا معاشه حق الالتزامات وماجلة البيت وبانزين سيارتي وسيارته ولبس البنات واغراضهم وكل شي وانا معاشي ينمعه حق الضرورة وحق السفرات

  14. chichaki
    الرد
    هذا من حقج والزوجين مافي بينهم خصوصيه اذا انتي زوجته ماتعرفين معاشه عيل منو اولى يعرف

    انا عرفت هالشي من زوجي قاللي عادي وهذا من حقج ومافي بيننا خصوصيه وجيبنا واحد

    بس نفكري شلون تسالينه يعني لاتصير مباشره فتحي موضوع التوظيف والزياده والمعاشات وليش دايما الناس همهم الزياده وهو راح يقولج من باب يوضحلج شنو احتياجات الحياه الزوجيه

    يعني اهو شي من حقج تعرفينه لكن لازم تكونين فطينه شلون تفتحين الموضوع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.