قصة الميزانية بيني وبين زوجي

صبــــــــــــــــــــــــاح الخير

بنات نصيحه والله لله اخذوها مني ومابي شي منكم غير دعاءكم لي ان الله يفرج همي وهم زوجي ولا يفرقنا ويخلي لنا بنيتنا
ديروبالكم على معاشكم لايصير اخر الشهر وهو موباقي فيه شي حتى لو فجاءة ودج تروحين شاليه ماتقدريت ليش لان ماعندج او تروحين بحرين او عمرة ماعندج او حتى مستشفى خاص اسم الله علينا
سمعوا هالقصة
انا بالدوام ادخلت صديقتي ولا مستانسة قلت لها عساها دوم شفيج اليوم
قالت شرينا بيت امس انا استانست لها وسالتها شلون ومن هالكلام
رديت البيت مع حمولتي تصنعت حق زوجي اني متضايقه سالني شفيج قلت له مافيني رد علي شفيج قلت له
احنا موقادرين نمسك نفسنا انا متضايقة من البيت موقصدي من اهلك من حجم شقتنا احنا عندنا غرفتين صغار وبنت وحدة وجذي مو مكفي وموقاعدين نسافر ونروح شاليهات حالنا حال غيرنا شفته تضايق شوي (قلت بقلبي احسن عالشان يحس لان زوجي نوعيته الي مايمسك الفلس عكس زوج اختي ماشاءلله))

جان اقوله شوف ادري اني بضايقكك ياليتني ماقلت لك قالي شبيدي اسوي
قلت له انت كلش موقادر تمسك نفسك بكل شي
البنت الصغيرة شنو حطيت بحسابها
لاحضانه تقدر تدخلها ولا مدرسه خاصة والله حتى اسوار ذهب ماشريت لها افلوسنا كلها على مطاعم وطلعات ونشتري خرابيط مالها معنى وغير الهدايا ونشتري اغراض صج كلش مامنها فايدة بس جذي عبط وروحات لسوق ابو 100 وكافيها كوستا وغيرها يطلع حسابنا 8 او7
ونكثر بالملابس
واحنا حتى مانحط احتياط لاسمح الله السيارة تخترب او طبيب او شي
تضايق زيادة وانا اقول بقلبي احسن عالشان يحس ومايمانعني
تدورن شنو سويييييييييييييييييييييييييييييييييييييييييييييييي يييينـــــــــــــــــــــــــــــــا انا وزوجي
اول شي يبنا ورقه وقلم
واول مانزل راتبنا
اخذنا من راتب زوجي 200 ومن راتبي 200 وصرفناهم بالبنك خردة دنانير وانصاص وخمسات وعشرات بس ماكثرنا منهم

وكتبنا بالورقه الاولى

ابو فجور
الراتب(****)
قسط السيارة
قسط القرض
المكالمات(مكالماته هو بس)
البانزين(حق سيارته )
الحطة(داش جمعية مع ربعه )
مطاعم
طلعات
سينما(مرتين بالشهر مرة يوم الاثنين ومرة اي يوم) هههههههههه بدينار ونص
مصروفي انا وبنتي
مصروفه
الجمعيه
التوفير
الطوارئ
صدقات(وهالله هالله بالصدقات هي تبارك لكم في الراتب وتدفع عنكم البلاء)

ونفس الطريقة حقي
راتبي(***)
السيارة
الحطة
الجمعيه اذا ابي اسوي طبق او شي ناقصني من اغراض
مطاعم(خصوصا بالدوام)
طلعات مع اهلي ومع خواتي)
توفير200
صدقات
والصالون
والسوق
وطوارئ
لزومات الشغل واليالي الرومانسية

ويبنا اظرف وكتبنا عليهم ظرف مثلا حق البانزين وحطينا فيه دنيانير وانصاص ب30 دينار وظرف مثلا حق المطاعم وظرف حق السينما
واخر شي حطينا اظرفي بصوب واظرفه بصوب
وانحكم بهالطريقة لان والله بنات اذا بتخلون بجيبكم عشرة وعشرين راح تصرفونها وماراح تحسون فيها
يعني قبل زوجي كان بيروح يترس بانزين يسحب عشرة او عشرين ومايظل منه شي يطير على مطعم هندي على برد على باسكن وغير سابليه
حتى هو جذي حس بالفلس صار اذا بقى يترس بانزين مثلا ياخذ 3
وانا عندي احساب ثاني شبكت بموقع بيت التمويل وسويت اوامر دائمة استقكاع من راتبي كل شهر 200
ومن راتب زوجي 100
لان هو عليه التزامات اكثر
وانا اذا مثلا بشتري عطر غالي او هدية او قميص نوم غالي او جنطة او اي شي غالي لازم اخطط له واشوف اي شهر الي يكون اقدر اخذه
وبعدين بنات الظرف الي فيه حق الطوارئ لاتجيسونه الا حق طبيب حق سيارة حق شي
انشاءلله تستفيدون منها بس صج بنات والله انها فادتني حيل
وبو شباب حيل مستانس علييها وصرنا نحس بقيمة الفلس
قبل كنت اروح لفاشن ميل او المحاميد اقول يالله البجام على دينار اونص او 750 بس لاجيت بحاسب 30 او 20
واي فلس يصير عندكم زاد قطوه بحساب ثاني انا حسابي الثاني بس نجمع فيه انا وزوجي حتى زوجي يسوي استقطاع حق حسابي التوفير وانا زوجي شفتات دوامه يعطونه الدوام بونص او اوفر تايم قلت له هذيل حطهم بحساب التوفير

وكثروا استغفار ودعاء
اللهم بارك لنا في رزقنا اللهم انت خير الرازقين اللهم ارحمني برحمة منك تغنيني بها عن رحمة من سواك.-اللهم فارج الهم وكاشف الغم ومجيب دعوة المضطرين رحمان الدنيا والاخرة ورحيمهم انت ترحمني فارحمني برحمة منك تغنيني بها عن رحمة من سواك. اللهم اقض عني الدين وأغنني من الفقر اللهم اكفني بحلالك عن حرامك واغنني بفضلك عمن سواك .
-اللهم اجعل أوسع رزقك علي عند كبر سني وانقطاع عمري.

وياليت اي وحدة قبل لاتطلع من موضوعي على الاقل تدعي لي ان الله يفرج همي