زوجي يرز ويهه عند الحريم ويفتح عيونه عليييييييهم

قوه بنات انا مشكلتي ان اهل زوجي اجتماعييييين حيل وكل يوم حرمه طالعه وحرمه داخله ومو أي حريم عاديين لا كلهم مو متحجبات وياخذون بناتهم اللي كل وحده تقول الزين عندي بالكشخه والجمال والشعر مو اهني المشكله
المشكله ان شقتي بنص الصاله اللي فيها الحريم يعني زوجي لو بيطلع يمر على الحريم وهم قاعدين وخالتي ماتقعدهم الا بالصاله هذي مع ان عندهم صالات اكبر

المههههههههههم

زوجي لما يطلع من الشقه يمر على الحريم الوضع عادي عندهم فري والمشكله ان زوجي مايستحي ماينزل راسه لا يدخل ويطالع وحده وحده ويسلم شلونكم مالونكم ويطلع ولما يرجع البيت يقولي شفتي فلانه اللي لابسه وردي شحلات بدلتها وشفتي فلانه اللي صابغه اشقر حلوه صبغتها والمشكله اني ماقصر لا بصبغ ولا بلبس وبولاشي بس مايملي عينه الا الحريم اللي قاعدين تخيلوا مره وحده دخلت بترننج عادي اسود مافيه ولاشي وكنت انا كاشخه حدي ولما رد قال شفتي ام الترننج شحلات التترنج مالها وانا اللبس لك ترنج عمرك ماقلت عنه حلو ووقتها كنت كاشخه وهذي ملت عينه وانا لا

وملييييييييت وانا اقط عليه نغزات زوج رفيجتي عيونه زايغه ولازوج رفيجتي يرز ويهه عند الحريم وين الرجوله المشكله لما اقوله جذي يقولي ناس ماتستحي مايشوف نفسه ؟؟؟؟؟؟؟؟؟؟؟؟؟

انا مليت منه كل شي عن الحريم يعرفه ولو شنو اسوي عنده غيري احسن

والمصيبه ملكات جماااااااااااااااااااااااال يدخلون على خالتي ولو شنو اسوي مافيني بالجمال اللي عندهم وهم الجياكر يقارني وياهم

حياتي انا واهلي وايد فرق عن حياتهم هم فري حيل واحنا عندنا عيييييب الريال يدخل على الحريم او يسلم عليهم وهم عادي

قلت له يافلان انا متضايييييييقه من دخلتك على الحريم والمصيبه تشوفهم وتقارني فيهم يقولي عادي كلهم كبر امي انزين وبناتهم وين راحوا زوجي يسلم على الام وعينه على بنتها ومايهتم بشعوري وينكر يقول متى شفتها ولا شدني شعرها بس ولا عجبتني ملابسها انزين وانا كل يوم اكشخ عمرك مامدحت والله بنات والله حتى خالتي مفتخره فيني وبكشختي وكله تقولي تعالي طلعي للحريم خل يشوفون منو خذينه وهذا مايهتم فيني