بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
اليوم أحاجي أمي بالتلفون أقولها طول الليل ما نمت أتقلب وأفكر .. ودي أفاتح زوجي بموضوع لكن مو عارفة شلون
قالتلي خير ؟؟
قلتلها أبيه يعطيني مصروف شهري
وعقبها عينكم ما تشوف إلا النوووووووور
إنتي ما تستحين على ويهج ؟؟ شقول الريال عنج ؟؟ حمدي ربج تشتغلين وعندج معاش واشكره يايه تقولين له أبي مصروف ؟؟ يا خزياااااه
شوفي خواتج ولا وحده تطلب فلس من ريلها حتى تجهيز ولادتها من فلوسها .. شوفي خالاتج فاتحين بيوتهم من معاشاتهم .. شوفي عمتج طول النهار تشتكي بس ما ثقلت على زوجها .. شوفيني آناااااااااااا
عمري ما قلت لأبوج أبي فلوس .. عطاني خير وبركة ما عطاني أحمد ربي وأشكره ما علي قاصر
قلتلها مو قاصرتني فلوس الحمدلله لكن أبي أحس إن وراي ريال .. ولد الحلال شايل إيده خير شر ودي لو يوم يعطيني جم دينار بيدي وأنا طالعة عالأقل أحس إن وراي زوج يصرف علي .. لو يعطيني 50 بالشهر رااااضية
ردت تصرخ .. على خمسين دينار تفشلينا معاج ؟؟؟ شقول عنا الريال ؟؟؟ لا تفتحين على روحج بيبان مسكرة وحمدي ربج واشكريه ولا تييبين هالطاري و اتسويلنا مشاكل من ولا شي !!!
—
يا زينها أمي الله يحفظها ويخليها لنا يارب .. هذي تربيتها
إكلي وشربي على قد اللي يعطيج إياه زوجج وهااااا ما تطلبين زود .. عطاج بوسي راسه وادعيله .. ما عطاج قولي الحمدلله أهم شي الستر
—
إشرايكم ؟؟ فوق ما إني مو نايمة هم انبطت جبدي زين ما بجيت
حتى حقوقنا اللي عطانا إياها الإسلام يقولون لنا هااااو عيييب شلون تطلبين لالالالا بناتنا عزيزات نفس وعيونهم متروسة .. وتعالي رقعي بهالمعاش !
السلام عليكم ورحمة الله وبركاته
اليوم أحاجي أمي بالتلفون أقولها طول الليل ما نمت أتقلب وأفكر .. ودي أفاتح زوجي بموضوع لكن مو عارفة شلون
قالتلي خير ؟؟
قلتلها أبيه يعطيني مصروف شهري
وعقبها عينكم ما تشوف إلا النوووووووور
إنتي ما تستحين على ويهج ؟؟ شقول الريال عنج ؟؟ حمدي ربج تشتغلين وعندج معاش واشكره يايه تقولين له أبي مصروف ؟؟ يا خزياااااه
شوفي خواتج ولا وحده تطلب فلس من ريلها حتى تجهيز ولادتها من فلوسها .. شوفي خالاتج فاتحين بيوتهم من معاشاتهم .. شوفي عمتج طول النهار تشتكي بس ما ثقلت على زوجها .. شوفيني آناااااااااااا
عمري ما قلت لأبوج أبي فلوس .. عطاني خير وبركة ما عطاني أحمد ربي وأشكره ما علي قاصر
عمري ما قلت لأبوج أبي فلوس .. عطاني خير وبركة ما عطاني أحمد ربي وأشكره ما علي قاصر
قلتلها مو قاصرتني فلوس الحمدلله لكن أبي أحس إن وراي ريال .. ولد الحلال شايل إيده خير شر ودي لو يوم يعطيني جم دينار بيدي وأنا طالعة عالأقل أحس إن وراي زوج يصرف علي .. لو يعطيني 50 بالشهر رااااضية
ردت تصرخ .. على خمسين دينار تفشلينا معاج ؟؟؟ شقول عنا الريال ؟؟؟ لا تفتحين على روحج بيبان مسكرة وحمدي ربج واشكريه ولا تييبين هالطاري و اتسويلنا مشاكل من ولا شي !!!
—
يا زينها أمي الله يحفظها ويخليها لنا يارب .. هذي تربيتها
إكلي وشربي على قد اللي يعطيج إياه زوجج وهااااا ما تطلبين زود .. عطاج بوسي راسه وادعيله .. ما عطاج قولي الحمدلله أهم شي الستر
—
إشرايكم ؟؟ فوق ما إني مو نايمة هم انبطت جبدي زين ما بجيت
حتى حقوقنا اللي عطانا إياها الإسلام يقولون لنا هااااو عيييب شلون تطلبين لالالالا بناتنا عزيزات نفس وعيونهم متروسة .. وتعالي رقعي بهالمعاش !
لازم الزوج يحس بالمسؤوليه من حقج تاخذين مصروف حتى لو كنتي تشتغلين وعندج معاش بس اذا ظروفه ماتسمح ممكن تتنازلين عن هالشي
بالعكس الزوج يحب يحس انه مسؤول عن مرته وانها محتاجتله
حسيسيه انه اهو اللي لازم يصرف عالبيت لايتعود بعدين انه كل شي عليج انتي
مايمنع انج تساعدينه بالفلوس بس هم رايي انج تاخذين منه مصروف شهري وهذا من حق كل زوجه
معاش الخدامه وماجله البيت ومصروف اليهال منو يصرف؟؟ لاتقولين انتي بعد !!؟؟
هالاساسيات على الزوج واذا ماكان مقتدر تساعدينه مافيها شي فلوسكم واحد ..
الحين ياقلبي حاولي انج تقولين لريلج يا فلان شرايك نخش مصرف حق مستقبلناا وحق عيالناا مثلاا تسوي استقطاع ولا تعطيني كل شهر مبلغ واخليه بالبنك ولا بحصاله ولا تجوري متى ما احتجناا ناخذ منهم << علشان اسمه بس قط شي حق البيت ..
وومو عيب انه ريلج يصرف عليج ولاتاخذين منه مصرف بس عوديه انه يصرف عالبيت والاساسيات والشغلات الثانيه مثل كماليات وديكورات عليج ما تفرق
المفروض المره ما تشتغل علشان يحس بالمسؤوليه
اعرف وحده من الاهل جامعيه وما خذه احسن شهادات بس ما تشتغل خلة ريلها يكافح وطلع لفلوس من تحت الارض
والمنطق الريال بصراحه اذا ماعطاج معاش شهرى هل هو مقصر من نواحى ثانيه يعنى اغراض البيت , الشغاله وراتبها , السايق اذا فى
بانزين السيارة لج يعبيه , طلبتى شغلات حق العيال من ملابس لهم حق العيد والشتا قصر قالج ماعندى ؟ يعنى حلو ان يمشى راتب بس اذا راتبج مكفيج وهو مومقصر اشحقه بعد كسار الظهر على قولة امج تفتحين بيبان مسكرة . انا عندى يشرى الريال كلشى ولا يعطى عشان لا يطالب مقابل هالمعاشى اللى يعطيه بلاوى ويقول انا عطيتج ويصيرفيها محاسبات ………
البيت الحمدلله قايم فيه واحنا كلنا نفرين يعني مافي شي زود ولا فوق هذا قاعدين عندهم يعني الماجلة موجوده
لكن أنا أبي فلوس حقي .. أبيه يتعود يمد إيده بجيبه ويعطيني .. مادري شلون أطلب وأمي قفلتها مرة وحده
من ناحية الالتزامات اهو قاعد يوفر حق السكن بره إن شاء الله .. بس مو لهالدرجة يعني ما يعبر على فلسين يعطيني إياهم ؟!
يتني البجية .. صعبت عليه نفسي ههههههههههههههههههه
الصراحه انتي تفكرين صح ,, وهذا حقج اللي رب العالمين شرعه لج ولازم انه يعطيج عشان يحس انه مسؤل عنج وانج برقبته وهذا حتى لو كنتي غنيه واغنى من زوجج ,, وانا اشوف انه ماكان له داعي انج تقولين حق امج لأن عارفه ردها وهذا الشي بينج وبين زوجج
والله يوفقج
يعني جذي يعاملون رياييلهم
بس الحين الرياييل تغيرووو مو مثل رياييل قبل
لازم يحس بالمسؤوليه و لا تخلينه يشيل ايده من كل شي
حتى لو عندج معاش لازم يعطيج لو 10 دنانير اسمها انه يعطيج
و تعودينه على هالشي
والله ما أشوف كلام أمي صح .. من ناحية السنع الحمدلله سنعين لكن وآخرتها ؟ سنعين ونصرف على روحنا ؟
ودي أكلم زوجي بالموضوع وفوق ما أنا مو عارفة شلون أبدي الحين صج خفت .. جني بنزل قدري وحلاته يقول لأ عشان تكمل
وترا الرياييييل ماينعطون ويه
من الحين اتعودينه إن مايصرف عليج فلس حمر اتمر السنين واهو على هالحالة ولو لا سمح الله صار فيج شي او احتجتي فلوس ماراح يعطيج لانج عودتيه انج ماتمدين إيدج له بس يعني انتي خليه يصرف عليج وعلى عيالج وعاونيه
والأشياء الي تشوفينها تافهه بالنسبة له ومهمة بالنسبة لج اشتريهم من معاااااااشج
ولا تبينين له انج ماعندج شخصية وانج اضعيفة عشان ما يستغلج أو يفكرررررر مجرررررررررد تفكيررررررر ان يستغلج
ما تعودت أطلب منه شي إلا ييب جذي من الجمعية وبس
إنزين شلون أقوله ؟؟ .. أحس كرامتي اتعورني من الحين مالي ويه وأخاف أندقر
عاد أمس جنه قلبه حاس، من دخل واهو يشتكي من الحالة المادية الصعبة .. فقلت أحترم نفسي وأسكت
الزوج لازم يصرف على زوجته وتعوده ان يصرف