بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
من قبل فتره متهاذره مع الشغاله .. بسبب انها رفعت صوتها على امي للعلم بانها لسانها طويل ترادد في الكلام ..المهم بعدين زوجي طلب يتكلم معها وظل يحاول يعرف منها الي صار وقالي ترى بتكلم معها ولا تتكلمين في شي يقصدني لان خايف علي من العصبيه على قولته بسبب القولون الي عندي المهم ظلت تهذر ومن ضمن كلامها تقول ان 3 ايام ماعطيتها اكل
؟!! تفاجأت المهم سكت بناء على طلب زوجي الا الليله مسويه العشا وخليت كالعاده لها لكني ماكلمها لذالك زوجي نادى عليها قال لها تعالي كلي لاتموتين طالما 3 يام ما اكلتي شي الا رديت هالمره علىالكلام الي قالته من قبل وهي تسمعني قلت انا عمري ما خشيت عنها الاكل لما اطبخ … ومن اخلص الطبخ انادي عليها واحط لها اكل اكثر من اكلي مع بناتي …والله ان قبل لاناكل واحيانا اثناء ماناكل اخليها تهد الشغل الي عندها وتجي تاكل والعشا نفس الشي والثلاجه مو ماسكتها عنها الي تبي تاكل غير الحلى لما اسوي والا الشاي مابخل عليها ,,,الا بعدين عصب زوجي وصارخ علي الا يقولي خلاااص عااد انتي شنو انتي مخلوقه من ناار وهي تسمع يعني هزأني قدامها ولا اول مره يسويها ,,, ليه يعصب علي قدامها وانا اقصدها بالكلام تعب نفسيتي والحين مابي اكلمه كيف مايكبر راسها وهو يعصب ويصارخ علي قدامها ؟؟؟؟!!!وش رايكم بتصرفه ؟؟
السلام عليكم
من قبل فتره متهاذره مع الشغاله .. بسبب انها رفعت صوتها على امي للعلم بانها لسانها طويل ترادد في الكلام ..المهم بعدين زوجي طلب يتكلم معها وظل يحاول يعرف منها الي صار وقالي ترى بتكلم معها ولا تتكلمين في شي يقصدني لان خايف علي من العصبيه على قولته بسبب القولون الي عندي المهم ظلت تهذر ومن ضمن كلامها تقول ان 3 ايام ماعطيتها اكل
المفروض نقاش عن شخصية معاكم بالبيت يكون بينج وبينه بغرفتكم
مو جدامها
اكيد هو بينفعل ويتكلم وهو مو حاس بنفسه
بالنسبة لللاكل
بصراحه
انا تاركه لهم الخيط والمخيط
ولا احب حتى ادخل عليهم وهم ياكلون عشان ما ينحرجون
واذا عندج عيال مو من صالحج العلاقة تكون متوتره بينج وبين الخدامه
وبالنهاية هم بشر يزعلون ويرضون ولهم مشاعر واحاسيس
ومافي داعي تكبرين السالفه براس ريلج
وانسي اللي حصل
وكيف يعني اتكلم في الغرفه وانا ابيها تسمع كلامي,,, انا عمري ماظلمتها ,,, ولا عااد الاكل ؟؟؟؟؟
امبييه هزلت جدامهاا انا لو منج يلا اقضبهاا المكتب
بعد ما احلل كل شي اخاف بااايقه
قطع خدامه ياربي اكرهم وجودهم خطر بالبيت انا ما ادري ليه الناس محتدين عليهااا
عشان بزاارين اوكي نص يووم بس م تعسكر عندي جنهاا شرييكتي العياذ بالله
خصوصاا وانتي عندج عيال…………..حرام عشان ماتضرهم……..انتبهي من الخدم…ترى بشر ويحسون…ويحقدون………
والله تصير عادي
واذا منتي بحاجتها ذلفيها المكتب وفكي روحج
لا تحرين بنفسج بسبت خدامة لا راحت ولا يت الله يقطعهم هالخدم ما احبهم
قوليله انتي يايبها لراحتي ولا عشان تغثني !!
وبعدين المفروض ان الموضوع بينك وبين زوجك ماتتكلمون فيه قدامها
والله ماندري عن الاكل يسون بروحهم ها الخدم وياكلون اللي يبونه حالهم حالناا الغلط منج انتي اللي تلخين
رجلج يتدخل في ها الامور السانها طويل اقلعيها ولا انها تعلي الصوت على اللي اكبر منها
عيب الي سوا
اغلب الخدم يجذبون يقولون مايوكلونا او شي جذي
يعني تبلي ولا في انسان يعيش بدون اكل 3 ايام اشهالجذب
احنا صياام ويالله يالله
هدور 3 ايام مو ماكلا والسان اطول منها
ان اقول قعدي مع ريلج فهمي عيب الي سويتا
وهمن نزلت قدري جدامها غلط عيب عليك وزعلي زعلا خفيفا خل يحس بس مو تهجين من البيت
العلاقه بينج وبين زوجج المفروض تكون سريه ,.,.
حتى تنخش عن عيالكم…
امبييه هزلت جدامهاا انا لو منج يلا اقضبهاا المكتب
بعد ما احلل كل شي اخاف بااايقه
قطع خدامه ياربي اكرهم وجودهم خطر بالبيت انا ما ادري ليه الناس محتدين عليهااا
عشان بزاارين اوكي نص يووم بس م تعسكر عندي جنهاا شرييكتي العياذ بالله
صح لسانج انا عن تجربتي وياهم بلاوي ما راح اخلص كلهم مشاااكل
حبيبتي هونيها وتهون ماكو الا العافية انشالله