ام ريلي كارهتني

الله يعينج حبيبتي ويحنن قلب خالتج عليج ،، ميخالف قلبي سمي اسم بنتج عليها يمكن تحبج لاشافتج مارديتي لها طلبها
قولي لها وانتي راضيه ومستانسه باسمها وانا وين بلقى احلى من اسمج يا خالتي تعالي على نفسج شوي
وتحمليها قلبي حطيها بعيونج وعلطول وجبيها ودقي عليها قولي لها اي مكان بخاطرج فيه انا اوديج ،، وعلطول خلي لسانج حلوو واذا قطت كلمه عليج عادي ضحكي واخذيها على غشمره وفههمي ريلج قوليله بينج وبينه ليش ماتاخذني وياكم جان سافرت غيرت جو
يمكن في شي ..
ومع الايام لاشافتج مهتمه فيها راح تحبج

انزين ليش ماتحبج ؟؟ متزوجه ولدها غصب يعني ؟؟!!

ويي و سالفة هالاسم الله يعينج بس اذا اسمها حلو عادي بعد شتسوين يمكن تحبج عقب , واللي يكسر الخاطر بالموضوع ريلج تلقينه ينحرج من

حركات امه بس ماعليج استمري انتي السنعه و اللي تسألين حنى لو ماتلقيج وي و كله علشان ريلج , وجذي بتكبرين بعينه

بس شوفي اذا عاد زودتها وياج و ماكو فايده وياها عزي نفسج و خلاص سلام سلام من بعيد وتوجيب بالمناسبات بعد شتسوين خو مو غصب

تحبج والله يعينج والله ,,

بس ترى رمضان خووش وقت تتقربين فيه روحو صلوا التراويح و يا بعض ووجبوا الغبقات و العزايم انتي عزميها يعني انا اقول يمكن تحبج و تنقصيلها بالاكل والحلو واخذيلها هديه بمناسبة الشهر الفضيل .. و طولي بااالج قبل لا تشيلين روحج عطيها وقت كاااافي

مشكورين حبايبي عالرد

اي انا ماخذته عن حب وانا مو منهم من جذي اهي كارهتني

والله اني احاول اكسبها وكل مناسبه اهاديها بس اهي اعوذ بالله اشطول لسانها لا والمشكله كله تروح دروس دينيه هذا اللي حارني

ومو عاجبها اي شي فيني بنات انا حتى عرس ماسويت لانها اشرطت انه ما يحضرون اهلي وانا كنسلت العرس بكبره مابي احد يشيل بخاطره علي والا على امي

والله انا اللي كاسر خاطري ريلي مسكين مايدري منو يرضي بس مرات يسمعلها وينفس علي اسبوع وابعدين ايطخ بروحه والله اسكت وما اتحجى

ولا اشكي لاحد اذا شكيت لاهلي بيقولون هذا اختيارج ومالقيت غيركم اشكيله فديتكم والله

والله اي شي اسوي ما يعجبها

بنات تخيلو اذا يبتلهم صحن حلو والا اي شي ماتاكله تقولها بويهي اخاف حاطتلنا شي وانا اسكت

حبيبتي بتحبين ضناج لو اسمها شنو انا اكبر مثال وطبعا ولدي عيوني المركبه ياربي الله يخليه لي ويحرسه من كل عين وشر

اوف ياربي يعني الامهات ما ادري اشفيهم ارضي باللي اختارها ولدج

والله ياحلات امي شايله حريم اخواني بعيونها ليتهم نفس امي

واااي من ام زوجي ما فيه احد زيها
انا من تزوجت خمسة شهور ما شفتها لا اهي ولا خواته لأن امه دائماً تقول له اذا بتجي لا تجيبها معاك
لا اروح لهم ولا يدخلون علي
لأن ماخذني غصباً عنهم

خلاص تأقلمت مع الوضع