الامبراطور ،،

مرحبا

اول شي لاتستغربون العنوان هذا اسم غرفة نومي الامبراطووووور

وترى سالفتي حجه وحاجه على قولتهم

الغرفه حيل كبيره وتاج السرير كله شغل محفور يتعبني بالتنظيف والكبت ماشاءلله حيل ضخم ونفس الشي التواليت وغيرها
ولونها مشمشي فاتح بسكري يعني حتى بألوان الكفرات متعبني

تسألوني من وين بقولكم مادري لحد يومكم هذا كل ماسأل زوجي من وين غرفتي ؟
يقول لي من منجره غاليه وسعرها فيها
يازوجي ياحبيبي ابي اعرف وين بشتري لخوي غرفة نوم نفسها لعرسه <<< احاول اعرف اسم المنجره
طبعا مو راضي يقوول وماسكلي اسم الغرفه الامبراطووووووووووور ماتلقين نفسها اثنين
ولاواحد من اهله يعرف من وين الغرفه لأنه هو راح واختارها وتفاجئو بذوقه حلو ( قديما الحين لايعه جبدي منها )
قال لي الغرفه بألف وميتين دينار .. لكن بعد ماحنيت عليه اكتشفت انها بـ 950 دينار كان يقص علي

المهم الامبراطووووووور على قولته ظل عندي عشر سنوات من زواجي يعني لحد الحين عندي ( ماشاءلله )
وصج سعرها فيها مافيها ولا خدش وشكله جنه جديد
حاولت اغيرها لأني بصراحه مليت منها ( تعقدت اقولها غرفة مؤنث او امبراطوووور مذكر ؟ )
وقال مستحيل لو تفترين بالسوق ماتلقين نفس الامبراطووووووووور

بعد المساحل والزعل اقنعته نغيره بس قال مو الحين !!
وعد اذا شرينا بيت اصبغها
قلت مستحيل تصبغها انا ابي غرفة نوم جديده
وبالموت اقتنع بس قعد يعددلي مزايا الامبراطوووووووور
وحسافه نغيرها بغرفة ثانيه ، وهي لها ذكريات حلوه ، ومتحسس من سالفة التغيير متشائم زوجي

سؤالي للبنات !!
الحجه :
غرفتج لها اسم مثل غرفتي ؟ <<< متعقده
كم سنه قعدتي بغرفتج ؟ ( ماشاءلله )
وهل غيرتيها طول فترة زواجج وكم مره ؟

والحاجه :
اذا عندكم محلات غرف نوم حلوه تقول لي عشان افتك من الامبراطووووووور

وسمعت ان الغرف الصينيه هم فخمه وحلوه بس بجيبها عن طريق الطلب والتوصيل ،، انتو اشرايكم ؟
مع تحيات اسيرة الامبراطوووووووووووور

يالله بنات ابي تفاعلكم نبي نفيد ونستفيد