بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
ابي احتفل انا وزوجي براس السنه ابي افكار شنو
لان صج ماعندي اي خبره بالامور هذي وودي احتفل
بشكل حلو ورومنسي
ابي احتفل انا وزوجي براس السنه ابي افكار شنو
لان صج ماعندي اي خبره بالامور هذي وودي احتفل
بشكل حلو ورومنسي
شوفي حبيبتي هذا موضوعي
فيه ليالي منوعه وأكثر من ليله تصلح تسوينها بليله راس السنه
وانصحج بليله القناع واااااايد حلوه وتغيير روتين
الله يهنيج
شريت فازه زجاج شفافه فيها ورد مجفف لونه وردي فاتح و وصحن جنه زورق همن فيه ورد مجفف نفس الدزاين من سنتر بوين وثلاث شمعات على شكل شجرة الارز وحده كبيره وثنتين اصغر و شمعه على شكل ورده جوريه على اطرافها زري شكلها روعه وشريت لها صحن ذهبي بورد وردي فاتح عشان احطها فيه شكلها واو همن من سنتر بوينت و خذيت لي بروازين نفس الدزاين لون ايطارهم ذهبي وشريت ناموسيه تتعلق بالسقف لونها ذهبي فاتح مقارب للبيج وكفر السرير لونه كريمي في تطريز خفيف بالذهبي والوردي وشريت مكينة الدونات
عاد انا ناويه اعلق ناموسيه وافرش الكفر وبحط عالكوميدينو بروازين بحط صورة عرسنا وصورة عيد زواجنا الاول
وبحط عالتواليت الورد المجفف والشموع اسوي ديكوريشن جديد طبعا الواني كلها مايله عالذهبي والوردي والبيج
وبصاله شاريه مفرش جديد حق طاولة الطعام وشاريه صحن اللي تحته شمعتين عشان مايبرد الاكل لانني ناويه اسوي عشا بنفسي وبخبز دونات وبزينهم كطبق حلو وشريت من طيور الجنه حاملة شموع اللي على قلاصات يعني احط الشمعه مالت مبخر الشمع عرفتيه شريت 3 بوزعهم عالطاوله شكلهم كيوت وطبعا العصير والجو الرومانسي عالشموع هذا العشا
وشريت بطاقه ناويه اكتب فيها احم احم
سلام لك ماهبت انسام وانسام
وأغلى الاماني بالحياه الرغيده
يوم ونودع من اعمارنا عام
واشواقنا تطمح لفرحه جديده
طبعا هذه ابيات الشعر غير الكلام اللي للحين افكر فيه
طبعا بكتب دعوة عشاء وبحط وقت حضوره وهالبطاقه بعطيها له يوم الخميس الصبح او احطها بسيارته عشان اول مايطلع يشوفها <<< شكلي بسوي جذي
بس هذا اللي في بالي للحين وبشوف حزتها اذا بزيد شي او لا
الله يجعل كل ايامكم افراح ولكن في افراح افضل من اعياد الميلاد واعياد راس السنه واعياد الزواج لانها بدعه وكل بدعه ضلاله وكل ضلاله بالنار
من ترك شيء لوجه الله بدله بأحسن منه … والله ياأخواتي هذا الجو الذي تضعوا نفسكم فيه لايأتي بالسعاده وانما غضب الله والنتيجه لاسعاده ولا استقرار
اللهم اني بلغت اللهم فاشهد .. ما أنا الا ناصحه
بارك الرحمن فيكم
خيركم من سمع القول فإتبع احسنه
هل التأريخ بالتاريخ الميلادي يعتبر من مولاة الكفار ؟.
الحمد لله
لا يعتبر مولاة ، لكن يعتبر تشبهاً بهم .
والصحابة رضي الله عنهم كان التاريخ الميلادي موجوداً في عصرهم ،
ولم يستعملوه ، بل عدلوا عنه إلى التاريخ الهجري .
وضعوا التاريخ الهجري ولم يستعملوا التاريخ الميلادي مع أنه كان
موجوداً في عهدهم ، هذا دليل على أن المسلمين يجب أن يستقلوا عن عادات الكفار
وتقاليد الكفار ، لاسيما وأن التاريخ الميلادي رمز على دينهم ، لأنه يرمز إلى تعظيم
ميلاد المسيح والاحتفال به على رأس السنة ، وهذه بدعة ابتدعها النصارى ، فنحن لا
نشاركهم ولا نشجهم على هذا الشيء . وإذا أرّخنا بتاريخهم فمعناه أننا نتشبه بهم .
وعندنا والحمد لله التاريخ الهجري الذي وضعه لنا أمير المؤمنين
عمر بن الخطاب رضي الله عنه الخليفة الراشد بحضرة المهاجرين والأنصار ، هذا يغنينا
الشيخ :ابن باز رحمه الله