زوجي خالي من الرومانسيه

السلام عليكم خواتي
واسمحولي اني ابدي لاول مرة افتح قلبي لخواتي اللي دايما اقرا لهم من بعيد لي بعيد ليما تجرأت وقلت ودي اطرح شي بقلبي واللي اعتربها مو مشكله الحمد لله بس اعتربها شغله حازه بخاطري ..

انا يا طويلات العمر متزوجة من 8 سنين والحمد لله اموري ماشيه مع زوجي وملح الحياة لازم المشاكل .. بس اللي اعتبرها الشغله اللي بدت تضايقني وهي زوجي ما يقدرني كلش .. يعني عيد او مناسبه او حتي يوم زواجنا ما عمره فكر يفاجئني بشغله شاريها او مسويها او حتى عزيمة على عشا او غدا او حتي صمون ب 100 فلس والله اهو مو بخيل بس ما يعرف او ما ادري شنو اهو بالضبط .. يعني دايما انا اللي اقوله شرايك بيوم عيد زواجنا نروح نتعشى بره وانا اللي اضبط الموضوع والهديه والله وانقص من عمري واسويله مع العلم اني ما اشتغل واخش من مصروفي .. واذا ما كفى شي ادبر وايبله شي اهو محتاجه وافاجئه لو بشغلات بسيطه وهو ابد ولا عمره بادر بشغله منه الا بتلميح مني او فكره .. انا ما ابي شي في تكليف والله كافي علي وردة والله .. تغنيني عن اي شي وكل الحريم معروفين بالاشياء الرومانسيه حاولت اغيره بس مو قادره بليز تكفون بنات اللي عندها اي فكره اني اقدر اغير اسلوب ريلي معاي تقولي .. والحمد اهو مو مخلي على قاصر بس الا بالطلب يعني الا اذا طلبت منه شغله واللي ما تعرف تدعيلي الله يسخر ويغيره معاي في اسلوبه .. وتسلمون على المرور مقدما ..