سمعو السالفه وقولولنا رايكم بصراحه يمكن رايكم يغير شي

السلام عليكم ورحمة الله وبركاته

انا بحط لكم حوار بين اعز صديقات عندي مع تغيير الاسامي

الحوار بين

منيره : صديقتي من ايام المدرسه متزوجه وحامل بأول اشهر يعني تقريبا الثالث او الرابع ماخذه واحد خووووووووووش ولد اكبر منها بأربع سنوات ويحبها ويمووووووت فيها بشهادة الكل اولهم انا
مايرضا عليها ورضاها يشتريه مشترا بس الولد فقير على قد حاله لكن مع هذا مو مقصر عليها بشي وقايم فيها وببيته ومداريها , ربة منزل نفسي طبعا بس لان هي ما كملت دراستها فما يبيها تشتغل بأي مكان تتبهدل وعايشين عند اهله من تزوجو بس محد من اهله يقدر يكلمها ولا يزعلها لان ريلها مسوي لها برستيج جدامهم والي يزعلها جنه زعله هو شخصيا والكل يسوي لها حساب

فاطمه : صديقتي من ايام الدراسه متزوجه وعندها ولد ماخذه واحد زين ويحبها وعنده خير من الله بس شنو مشكلته ان اهله لاعبين بحسبته وهي نفس الطريقه عايشه مع الحموله بس حمولتها مو مسوين لها اي اعتبار ويدشون عليها بأي وقت ويامرون على خادمتها وهكذا وهم هو من النوغ الي كله طالع ومايدري عنها ولا عن ولده
والاهم انها موظفه رغم انها ماكانت تبي تتوظف وكان أجل طموحها انها تكون ربة منزل ولكن ريلها يبي موظفه

هذي نبذه عن البنتين وانا كاتبه هالموضوع برغبة وحده منهم وابي رايكم بصراحه بالحوار الي دار بينهم

طبعا بدا الموضوع واحنا نتكلم عن الاخلاق والدين وان الزواج اذا ماكان متوفر فيه هالشرطين يكون نوعا ما متعب

وقالت فاطمه : اذا انتو تشوفون ان الريال يعيبه ان دينه على قده واخلاقه متعصبه انا اشوف ان الريال ما يعيبه الا جيبه شنو فايدة ان الريال يكون متدين واخلاقه عاليه وهو ما عنده ياكل @@

قالت لها منيره : بالعكس كا انا ريلي على قد حاله بس انا سعيده معاه لان متدين وخايف الله فيني حتى لو كانت ماديته مو وايد زينه كافي مو مقصر معاي بشي

ردت فاطمه : لا والله لا يجابلني ولا يقعد معاي ويوفر لي فلوس راهيه

فانا قلت لها شفايده يكون عنده خير وانتي الي تصرفين على نفسج

جان تقول اي بعد عندي معاش !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!! يعني كلام متناقض نوعا ما

المهم انا غيرت الموضوع وقمت اتكلم عن مهند واقولهم ان ماحس انه حلو احس ملامحه بنيه ومنيره ايدتني تقول الكويتين على جلوحتهم بس تحسين رياييل

جان تقول لنا وااااااااااااااي مساكين الي ماخذين جياكر @@

الي اهما انا ومنيره وليييييييييييي شالسالفه شفيها علينا مادري

قلت لها جياكر جياكر المهم الاخلاق والحب ( مع العلم ان ريلها مو جميل ولا حتى وسيم )

جان تقول حق منيره انا احس ريلج ايمن الي يتكلم عنه طارق العلي ( ايمن شخصيه مجازيه يقصد فيها الريال الي يكون سكانه مرته )

وقامت تضحك جان تقول حتى انتي بعد ( تقصدني قلت لها ليش الي يحب مرته ويداريها ويستتها على قولة المصاروة يعني سكانه مرته
والي مخلي مرته مداس حق اهله وتكرف طول الشهر وتصرف على نفسها وولدها هو الي ريال ؟؟؟؟؟!!!!!!!!

جان تقول لي من حرتكم لان مو حاصل لكم تشتغلون @@

المهم انا خذيت الموضوع بضحك وصكيت الموضوع لاني انا اساسا كنت موظفه فما يعنيني هالكلام

وعدا اليوم على خير ورحنا بيوتنا والا رفيجتي منيره داقه علي تقول لي انا من ذاك اليوم وانا مو متقبله ريلي وكل ما اقعد معاه اتذكر كلمتها ( ايمن )

قلت لها لاتخربين بيتج وريلج يموووووووت فيج بس هاذي امكانياته وكا انا ريلي على قد حاله بس كافي معيشينا مثل الاميرات
مانشيل هم دوام ولا مسؤليه لا وانتي بالذات ما شاء الله مدلعينج اهل ريلج وريلج لا تشيلين هم طباخ ولا دوام ولا بطيخ

اقتنعت شوي بكلامي

المهم انها ذاك اليوم تهاوشت مع ريلها وقالت له الكلام الي سمعته من فاطمه الي هو ان سكانه مرته وان الريال ما يعيبه الا جيبه وان امكانياته قليله

والهوشه كلها ان ما يبيها تشتغل لان متدين ويستحرم الاختلاط

وهي الحين زعلانه وقاعده ببيت اهلها وتبي تتطلق منه

المهم قلت لها لاتسالين الي حواليج وشوفي راي الناس الي ما يعرفونج وذيج الساعه حكمي

ابي رايكم بكللللللللللللللل موضوعيه وبدون تحيز