مشكلتي الخدم مستغربين صح ؟؟؟

السلام عليكم
مشكلتي الخدم بتقولون اشلون؟
سمعو قصتي وساعدوني ""

عندي بس طفل واحد
جتني اول خدامه فلبينيه
بس والله يابنات ماتوقعت حظي يجيبها
حنونه ونظيفة وسنعه وذكيه
تشوف امي طابخه الطبخة

من باجر اتسويها لنا
ولدي ع طول نظيفه وكشخة
والله مريحتني حيل
وذا سويت عشا اتسويلي ديكوريشن لاصار ولا استوى
وين المشكله؟؟

سويت عزيمه كبيره في بيتي
واهيه سنعه ولبقه حق اغراضي ونظافة البيت
والله وراها بيومين اضربت وقامت تبجي
تقول انا ماعندي مشكله معاكم
بس مابي البيت
مع ان باقي 4 شهور وتخلص السنتين
وكانت تبيني امددلها

وللاسف فرطت فيها
من بعدها
كل يوم لي خدامه
يقعدون شوي ويقولون خلاص مانبي
مع العلم انا ولله الحمد دينه وزوجي كذلك
ونخاف الله فيهم

والكل مستغرب يقولن انتي حيل هاديه ومسالمه اشفيهم

طولت عليكم بالمقدمه

هالشي امسبب لي مشاكل مع زوجي بتعرفون اشلون ؟
مو عشان يودي واييب

لا

العبو بنفسيتي
حسبي الله عليهم ونعم الوكيل

انا حامل
وحيل نظيفه
انظف بيتي وولدي واطيخ
ونساة ومالي خلق

واعصاب مع وزجي وحيل مشاكل
لأن ماكو طلعات ولاتمشي
واروح حق الناس
اوكل ولدي واغيرله
والحقه
واشوف الناس برود ومرتاحين
اول مرتاحه
البيت يتنظف والاكل مطبوخ

شسوي ؟

شلي خلاني اكتب اليوم انحاشت خدامتي ؟؟؟؟؟؟؟؟
وضايق خلقي

والله يابنات مشكله
ولاهي تافهه
اتمنى الي اتقدر الموقف ترد علي
والي عندها كلام زياده الله يجزاها خير تحتفظ فيه لنفسها

وجزاكم الله خير