سويتي عرس ؟؟ شنو المواقف الطريف الي صارت فيه ؟؟

السلام عليكم حبايبي

منو سوا عرس او ملجه ؟ اذا نعاد هل يوم شنو تغيرين فيه من أخطاء ؟

وقوليلنه شنو المواقف الطريفه الي صارت بالعرس ؟ او المحرجه ؟

انا ما اغير شي لنه احبه حتى باخطائه .. وصارلي موقفين :

1- قبل العرس بعشر ايام ما قمت اشوف ريلي يعني عشان نوله على بعض طبعا كنه مالجين

ويوم العرس صار وقت دشته ( على فكره اهوا ولد عمي ) دش على يمينه عمي ( ابوه ) وعلى يساره عمي الثاني وانا اطل عمتي كانت واقفه يمي اقوله ويين ريلي تقولي كاهو اقوله وين تقولي الي وااقف بالنص اقوله لاااا هذا مو اهوا
قالتلي الحمدالله والشكر شفييييج ( لوووووووووول مو عارفه ريلي ) من الخوف .

2- يوم صار وقت الكيكه كانت من الفندق مو انا مسويتها يابوها ثلاث طبقات وقفنا انا معاه ماسكين السيف شثقلنا عشان نقص رحنا حق اول طبقه نقص نقص ماكو انزين ثاني طبقه نقص وهم نقص وهم ماكو طلع بس الطبقه الثالثه كيكه والاولى والثانيه فليين ( تفشلنننننننننننه )

3- موقف صار بعرس حماتي يوم صار وقت الكيكه بوكلون بعض وكلت ريلها وخلت الشوكه بحلجه

هالله هالله بالسوالف الحلوه