ريلي حالته ما ينسكت عنها بالله شالدبره معاه؟؟؟ تكفون ماصارت نزوه

السلام عليكم

اشلونكم حبيباتي

انا ريلي بالمختصر تييه عره يطنشني شهور ويتناجر معاه على اتفه الاسباب وما اقصر معاه بعود

ويرد جم يوم ويرد على حالته تعبني
قلت يمكن لا حملت ويبتله ياهل ثاني يركد<<<<طل جان ركد من الاول

المهم ان مرات اييني شك انه عنده خرابيط وبنات واحاول اوخر هالتفكير لين ياني ذاك اليوم
ياني عمي وقالي اذا ولدي صاع واخترب كله منج لانج مخليته على كيفه @!@
انا شكو ماخليته على كيفه ادق اقوله رد يصكه بويهي يتناجر معاي يزفني وحرمني من كل شئ احبه علبن عقاب
واييني الفير شسوي يعني اروحله لي مكانه واتله من اذونه؟؟؟

ومره ثانيه عمي قام يقول اي الحين شباب هالوقت يخربطون وعندهم بنات وشرب وخرابيط وحريمهم بالبيت مجابلين عيالهم ودراستهم ومتكمكمين بعبيهم
انا قلت بقلبي لاااااا هذا شايف ولده اشكره وبيقطها براسي

عمي صاير لسانه زفر معاي امس دخلت البيت يقولي تعرفين المثل اللي يقول يبنا طاري الجلب ياننا بالعصا مادري شنو ؟؟؟ قلتله اي اشفيه؟ قال تونا نتكلم فيج ودخلتي
قلتله عمي شنو قصدك انا جلبه قال لا خو اهو مثل ينقال ليش تزعلين؟

ومره دقيت عليه قلتله عن حماتي مو صافطه عدل ومالي مكان قلقصه جان يطلعلي بالسكه يزفني ويشرشحني جدام الييران تخيلو هذا واهو ابو ريلي

وعقبها قمت احس من مكالماته واتصالاته والمساسسر في شئ مو طبيعي لين قام يسوي حركه انا اعرفها لان ماخذني عن حب وكان يسوي معاي جذي

اذا احد دق يتكلم بشكل رسمي اوفر ويقعد يقصر التلفون عالحدددددد ويقول انا شوي واطلع لا طلعت ادق

ومرتين او ثلاث اسمع صوت بنيه بتلفونه

غير ان عنده 3 خطوط حاطهم باجهزه ومشغلهم وحاط الاجهزه سايلنت بسيارته
انا شايفتهم بعيوني بس ما مداني اتعبث فيهم

والريال الحين قام يستفزني ويحاول يطفشني من البيت وكثر ما يقدر يبيني انام عند اهلي عشان يطلع على راحته للصبح

وما يجيسني الا بالشهرين وال3 مره يعني بالمره عايفني ويحاسبني على كل شئ

خلف الله علي ماعندي الا اعانة الجامعه الا اقوله متى نزلت وجم وبشنو صرفتها وليش واشحقه

لا تقولولي معودته تره ماعودته اهو بروحه فجأه قلب علي

وماني عارفه شسوي وصلني مرحله كرهتتتته خلااااااااص ابي يهدني
اخاف اطلب الطلاق واخسر كل حقوقي وياخذ بنتي مني

ومابي اقعد يعامل الخدامه احسن مني

قبل يومين عيدميلاده شريتله هديه قاطها بالصاله قط ماجنه هديه ولا بين شكر وحب واعتبار اني ذاكرته

شسوي تكفون لا تقولون حاولي فيه لاني زهقته وزعته مابيه ابي يهدني

واهو نفس الشئ يبي يزهقني عشان اقوله هدني ويبيني اتنازل عن حقوقي

بالله شالحل معاه؟؟؟
والله نفسيتي تعبت وماقمت لا اكل ولا ادرس

واهو ما يتحمل مسئولية شئ بس يمشي ويزف وانا كلشئ فوق راسي

ومشيش اهله علي ادش البيت بكلام سم واطلع منه بنفس الطريقه و دمعتي على خدي