بعد سبع سنوات زواج

مو قادره اكتب من كثر مو انا مجروحه جرح كبير والله اني احس بالم في قلبي بكيت ايام وليالي ولحد يحس فيني في عمري كله ما اتكلمت عن زوجي ما اذكره الا بكل خير حتى اعز صديقاتي ولا يوم اشتكيت عن مشاكلنا كنت احبه واموت فيه لكن الحال تبدل :eh_s(11)انصدمت صدمة عمري يوم اعترف ليه انه يحب اختي ما يحبني نعم يحبها لدرجة انه كان يتخيلها معه موجوده حتى بالفراش اهله اختاروني بالغلط هو كان مخبرنهم عن مواصفات اختي وصارت الخطوبه وبعدين عقد القران هو في هاي لحظه اكتشف الخطا بس اهله ما خلوه يطلقني قالوا له عيب ومايصير وصار الزواج وعشت احلى ايام عمري معه وفرحانه بزوجي الطيب والحنون وجاءت لحظه لي خبرني فيها انه ما يحبني يحب اختي حاول بس ما قدر ينساها من لحظه الاولى لي شاف اختها فيها قالي احبج لانه انتي ام عيالي وبينا عشرة عمر بس اختج هيه حبيبة القلب والروح ما اقدر اطلب الطلاق اهلي بيسالوني عن السبب وانا ما بقدر اخبرهم طبعا بالسر لي بحمله في قلبي لين ما اموت والحين صار يبتعد عني اكثر واكثر اتفقت معه انه كل واحد منا ينام بغرفه منفصله عن الثاني

ونمثل جدام الناس والمجتمع انه نحن اسعد زوجين بالعالم مو قادره اكمل احس بعمري بموت في اي لحظه