البارحة غلطت على زوجي وندمانة

هاي حلوات
اليوم ضايق صدري وحزينة جد والسبب الموقف اللي صار البارحة كنت طالعة مع زوجي وصديقه وزوجته ومع السوالف قلنا راح نخطط حق سفرة قصيرة السنة الجاية بفبراير ومع السوالف الا زوجي ينط ويقول انا ما اقدر اسافر بفبراير لان راح اسافر مع الربع!!!!!!

انا موقفي صار 😐 موقف وحده منصدمه وحده هبلة ما تدري بالدنيا لان ما قال لي ان راح يسافر !!!! ولا ادري بهالشي

تخيلوا الموقف وربعنا معانا

طبعا انا عصبت وما قدرت امسك نفسي وقلت له جدامهم مافي سفر قبل لا نخلص موضوع الشقه اهوا ما حب يكسر بنفسه قال لي انا رايح رايح

بما معناه انتي يا مره بالطقاق ما تهميني رضيتي ولا انرضيتي
وطبعا كل هالكلام واحنا واقفين معاهم

تغيرت نبرة صوتي وقلت له انا مالي شغل اتخلص امورك معاي وبعدين تسافر مافي سفر قبل لا تخلص لي كل اللي ابيه.

وطبعا ركبنا السيارة وتهاوشنا وبعدها تاسفت له على اسلوبي جدامهم بس ما اعتقد سامحني

الحين انا حزينة وندمانه ان صورتنا صارت بهالشكل جدامهم يعني موقف كلش مو حلو

ما كنت اقصد اني اغير نبرة صوتي معاه بس والله انقهرت

في النهاية حبيت افضفض لكم وابي راي كل وحده باللي صار؟؟

ونصيحة لكل وحده مهما صار لا تتناقشين مع زوجج جدام احد.

وحياكم الله في يومياتي الزوجيه