مشكلتي المحرجة مع ريلي

السلام عليكم بنات
ابي اقول لكم مشكلتي المحرجة وصدقوني قاعدة اكتب لكم ونا مفتشلة
بليز لحد يفهمني غلط بس… انا صج بمرحلة صعبة في حياتي الزوجية
وما كتبت الا اني ما اقدر اقول لاي احد قريب مني هالمشكلة الي اعانيها

مشكلتي ان زوجي تنقصه نوع من النظافة !!!

ما ادري اذا في احد يعاني مثل مشكلتي

يعني ما يفرش اسنانه و لا يهتم بالسباحة
ويدش الفراش بدون لا يراعي مشاعري بأن ماكل اكل في ريحة
وفوق كل هذا يدخن

انا اسفة اذا ضايقتكم بس والله حياتي معاه صايره فاترة وبالاخص قاعدة انفر منه حييل
حايشني اكتئاب حااااد

مع العلم باني والله مو مبالغة بس اهتم بنفسي وبنظافتي وما انام الا وانا متسبحة واتبخر واتعطر يعني مثل اي بنت طبيعية

والله اني وصلت مرحلة اني قلت له عن الي مضايقني مع انها كانت صعبة واااايد علي تخيلوا يحط عطر فوق ملابسه وبس وانا ابجي من القرف

يا ربي ساعدني

والله ما ادري شسوي لاعة جبدي جددد

شنو الحل