صرت اكلم نفسي بسبب هالمشكله الي متعبتني الله يوفقكم ساعدووووووووني تعبت تعبت تعبت تعب

السلام عليكم بنااات انا كتبت مشكله قبل كل يومواحب اشكر كل وحده عطتني رايها والحمد الله خذيت بنصايحكم ومشكورين وعندي مشكله ثانيه حيل مسببه لي ازمه والله العالم اني مابالغت بولا حرف واذا بالغت بحرف الله يحاسبني ان شاالله انا عندي مشكله حيل مضايقتني انا عندي مشاكل مع بنات قراب مني المشكله كلهم ضدي ويستقوون علي وطلعو عني كلام عني بس الحمد الله ربي نصرني عليهم طعنوني بشرفي وبجيت وانقهرت ومارديت لان شخصيتي ضعيفه ما اعرف ادافع عن نفسي مع ان الحق معاي وانا عندي سوالف عنهم مع دلائل وايد لو اقولها جدام الناس يروحون فيها بس يستقوون علي لان يدرون اني خوافه وما اخذ حقي ولا ارد عليهم واذا شافوني بحلفه او استقبال يقعدون يمي جدام الناس ويتطنزون على شكلي مع اني مو مزيونه وملكة جمال بس مملوحه والحمد الله فيني جاذيه وذربه يتطنزون علي ويغثوني يقطون نغزات ويضحكون وانا ادش الحمام وابجي وامسح دموعي وارد اطلع وراسي بالارض الكل يقولي اخذي حقج وقفيهم عند حدهم اقل شي قوليهم استحو على ويهكم يلي سيرتكم على كل لسان حتى لما يصير استقبال اختي اييون ويوقفون يمي عناد ويدزوني بدون احد يشوف يعني بكوعها جذي تدوس على ريلي وحده منهم والثانين يضحكون وتقول بخباثه سوري مو قصدي انا شعري حيل حيل حيل طويل لي ركبي وهم شعورهم قصار ومنتفه وحيل يحترون من شعري اذا صار عرس والله مايصير لهم بس يصير لي اييوون يوقفون معاي واغير مكاني يغيرونه واذا وقفت برقص وحده منهم تحط خاتمها على شعري وتشده حيل تقول لحطه بطلعه وهي تمجع شعري وانا اقولها لحظه بطلعه معاج تقول لا لا ويع وخري انا اطلعه وتتل شعري حيل لدرجه عيوني ادمع

اختي تقط عليهم نغزات وتدزهم وماتسلم عليهم والله بنات اذا مرو عندها ينزلون راسهم يخافون منها وانا مستقوين علي وتعبت منهم والله تعبت
اذا صارت عندنا مناسبه اقول لازم اصير قويه اليوم واكسر عين الي تخزني واذا قطو نغزه اخذ حقي واذا داسو على ريلي او دزوني بكوعهم اكفخهم بس اشوفهم ارجف وانزل راسي واسكت واروح اسلم عليهم وهم يسلمون ويقربون عند اذني يقولون ويع ويع ووحده تقول للثانيه مكياجج يفشل يالهيلقيه وانا والله ما اشوف نفسي بس ذربه وستايلي ليلى العرادي منيره الفرج واهما ستايلهم هيلقي مكياج فنتازي ولون اسود من الجفن لي تحت الحاجب بو عشره حتى شعري قاموا يحاولون يقلدون شلون اسويه حيل يقلدوني ويتطنزون شلون ما ادري بس الحمد الله الكل يقولي يحاولون يقلدونج ومحترين منج س محد يدري بالنغزات والسوالف الوسخه واذا ماكان فيه ناس امر بسلم مايسلمون ولايردون السلام واذا صار زحمه يقعدون يمي ويسوون روحهم طيبات وهم من تحت لي تحت بنات انا تعبت صرت ما اروح عزايم بسببهم مع اني المفروض اكون موجوده بس لان ادري راح يبجوني وادري ما اعرف اخذ حقي مع ان حوبتي ماتعدتهم استغفر الله الله مبهذلهم بهذله مو طبيعيه بس مو راضيين يتوبون عني

ابي اتعلم اخذ حقي تكون لي هيبه محد يتجرا يقط علي نغزه ارد عليهم ابي تكون شخصيتي قويه لاني تعبت والله والله تعبت ابي اخذ حقي واصير قويه علموني ابي اصير عوبه مو مشكله ما اغلط على احد والله ولا عمري غلطت على احد بس ابي اتعلم ادوس الي يدووووووووووووووسني تكفوووووووون بنات علموني شلون اصير قويه شلون اروح وارفع راسي واخليهم يوطون راسهم شلون اخليهم يبلعون ريجهم ولايسوون حركاتهم السخيفه تعبت والله تعععععععععععععععععبت