من ولدت وهاذي حالتي بيني وبين الجنون شعره

السلام عليكم شخباركم كويتيات

هاذي اول مشاركه لي مع اني مسجله من زمان بس ناسيه

تكفون ساعدوني انا لي شهرين من ولدت وجبت توام الله يحفظهم ومن جبتهم وانا حالتي حاله

مااعرف ليلي من نهاري كل الايام عندي متساويه بس انام عشان اقعد انتبه لهم وبس تعبت بنات انا طول فترة حملي وانا قاعده في بيت اهلي لاني جاني نزيف بسبب انفصال جزئي في المشيمه وتاركه زوجي لي قريب بكمل السنه تعبت نفسيا توامي هم بكري وانا عمري 22سنه بنات تخيلوا زوجي قريب السنه ماصار بيني وبينه شي حتى لما طلعت من نفاسي ماحاول حتى يصير بينا شي انا احس زوجي كرهني من بعد الولاده صار مايشتهيني يعني مو كفايه طول فترة الحمل والحين دخلت الشهر الثالث حشى صخر حجر مو رجال بنات قاهرني حيل ضايعه عيالي يصيحون عندي يتعافرون في يدي مايبوني بنات حاسه اني موقادره عليهم

ماادري شسوي معاهم وشسوي مع زوجي ملخص مشكلتي

1..عيالي صعبين وماخذين وقتي كله مافي وقت لي كلش

2..زوجي احسه صار مايشتهيني قلت له نغير جو نسافر مارضى انا تعبانه صج صج بنفجر تعبانه اخاف يصير فيني اكتئاب ساعدوني انا اذا جا الليل اصيح لحاتي جد جد حالتي صعبه الحمد لله على نعمته بس ماتوقعت التربيه صعبه كذا