بالنسبة حق البنات اللي يكشخون حق رياييلهم ويصدونهم!!

بنات انا وايد وايد قريت وسمعت كلمة "كشختله وماعطاني ويه" والا "لابسه وكاشخه حالتي حاله يه ونام وصد عني" وعلى طول تشك البنت بروحها وتتأزم.. وبالمقابل اغلب اغلب رفيجاتي يقولون ان رياييلهم ايوونهم لما يكونون مو كاشخين والا نايمين.. شنو معناته؟؟ ترى "أغلب" مو "كل" الرياييل يفضلون هالشغله تكون بدون تجهيز ويحبونها "عفويه" .. مثل الافلام الاجنبية العاديه تشوفون مقطع تمثيل عادي فجأه والا مقطع ال…. ,, بدون ماتكون المره لابسه وجاهزه وناطرة.. ف اذا وحده صار فيها هالموقف لا تشك بروحها.. وخصوصا اللي توها طالعة من نفاس لأن صج نحرق روحنا بالنفاس عشان ندش اختبار بعد النفاس!! ترى أي مره تقل ثقتها بروحها راح يلاحظ الريل.. وكلما ماكانت ثقه بغض النظر عن جسمها تغير ماتغير بتكون حلوه بعين ريلها… صدقوني صدقوني "الثقه تنعكس" عليج.. بنات هونوها على روحكم لا تحكمون على روحكم بقسوه عشان ريلج تنترس عينه فيج.. كشختي اليوم ماعطاج ويه؟؟ خلاص باجر لاتكشخين ولاتنطرين منه شي .. تصددي وسوي روحج موهامج حتى لو كان هامج ال…. ,, بس بيني روحج عادي.. وبتلاحظون شلون يتغير ريلج.. والريال مثل المره ترى عنده احاسيس وتقلبات.. مثل ما المره دشت فترة نفاس وولادة هم اهوه اكيد ابباله افكار واشياء,, خلو ال…. على صوب و "تكلموا" مع بعض .. وتذكروا.. العلاقة الزوجية مو … وبس ..

وسلامتكم..

والا شرايكم؟؟ في وحده صار فيها جذي؟ كشخت ومايالها؟ والا ماكشخت ويالها؟؟ شاركوننا