قوه بنات
عالسريع بقولكم سالفه و لكم المايك شلون نتعاطا مع الموضوع
كنت طالعه مع 2 من رفيجاتي قبل جم يوم….وحده متزوجه و الثانيه لا بس كانت تحب واحد و ما صار بينهم نصيب و اهي ليلحين تحبه لكنه تزوج و عنده عيال
المهم الي صار انها بالطلعه قالت لنا انها شافته بمجمع مع مرته و عياله عنده توأم بنت و ولد و شلون ماسك زوجته و مدري شنو و انها ليلحين تحبه و من هالحجي
و احنا بالسياره رفيجتي المتزوجه قالت انها اتحداج اتدقين عليه و تقولينله انا احبك و طبعا قبلت التحدي و دقت ما رد ردت دقت بعد شوي هم ما رد جان تاخذ تلفون رفيجتي و دقت حاطه سبيكر .. المهم شاله لما قالت الو عرف انها اهي جان تقوله بقولك شي قال شنو قالت انا احبك جن يقولها و انا اموت عليج بس انا ريال متزوج لا تفكرين ولو للحظه اني ممكن اخون زوجتي او اخرب بيتي علشانج ولو اني احبج بس في ناس بحياتي صارت تهمني مشاعرهم اكثر من مشاعري و رجاء لا اتدقين و سده
المهم طبعا رفيجتي شبتتتتتتتتتت ناااااااااااااااااااااااااررررررررررررر ما توقعت هالرد كلششششششش
بعدها بيومين جان تقولي بنتقم منه مو قادره (مع العلم اهو خوش واحد و ما سوالها شي بس اهلها لما خطبها سوله مشاكل و اهي وقفت معاهم) فطلعت رقم بيته و دقت و قالت حق زوجته انها على علاقه معاه ليلحين و مادري شصار المهم الريال قام و دز مسج حق منو؟؟؟ حق الرقم الي ددقت منه الي اهو رقم رفيجتي الثانيه و المسج كاتب (ترا انا قلت حق زوجتي عن كل علاقاتي السابقه و من ضمنهم علاقتنا فلا تحاولين تخربين خياتي و هذا اخر تحذير لج تقربين صوب زوجتي) و منو قرا المسج؟؟؟ ريلها
و صارت الصكه و اهي تحلف و تقول و اهو موووو مصدق و هذي زوجها رفيج ريلي انا قلتله السالفه بس ريلي مو راضي يكلمه يقولي احس فشله اقوله السالفه قلتله يعني البنيه تتطلق؟ قال لا ان شاء الله ما توصل الامور لي هالمستوي و اذا تطورت اوكي اكلمه بس الحين فشله
المهم شالحل برايكم الحين؟؟ احن اكثر على ريلي؟؟ او انطر؟؟ و خايفه زوجها ياخذ قرار بروحه لان اول ما شاف المسج قالها بطلقج !!!!
قوه بنات
عالسريع بقولكم سالفه و لكم المايك شلون نتعاطا مع الموضوع
كنت طالعه مع 2 من رفيجاتي قبل جم يوم….وحده متزوجه و الثانيه لا بس كانت تحب واحد و ما صار بينهم نصيب و اهي ليلحين تحبه لكنه تزوج و عنده عيال
المهم الي صار انها بالطلعه قالت لنا انها شافته بمجمع مع مرته و عياله عنده توأم بنت و ولد و شلون ماسك زوجته و مدري شنو و انها ليلحين تحبه و من هالحجي
و احنا بالسياره رفيجتي المتزوجه قالت انها اتحداج اتدقين عليه و تقولينله انا احبك و طبعا قبلت التحدي و دقت ما رد ردت دقت بعد شوي هم ما رد جان تاخذ تلفون رفيجتي و دقت حاطه سبيكر .. المهم شاله لما قالت الو عرف انها اهي جان تقوله بقولك شي قال شنو قالت انا احبك جن يقولها و انا اموت عليج بس انا ريال متزوج لا تفكرين ولو للحظه اني ممكن اخون زوجتي او اخرب بيتي علشانج ولو اني احبج بس في ناس بحياتي صارت تهمني مشاعرهم اكثر من مشاعري و رجاء لا اتدقين و سده
المهم طبعا رفيجتي شبتتتتتتتتتت ناااااااااااااااااااااااااررررررررررررر ما توقعت هالرد كلششششششش
بعدها بيومين جان تقولي بنتقم منه مو قادره (مع العلم اهو خوش واحد و ما سوالها شي بس اهلها لما خطبها سوله مشاكل و اهي وقفت معاهم) فطلعت رقم بيته و دقت و قالت حق زوجته انها على علاقه معاه ليلحين و مادري شصار المهم الريال قام و دز مسج حق منو؟؟؟ حق الرقم الي ددقت منه الي اهو رقم رفيجتي الثانيه و المسج كاتب (ترا انا قلت حق زوجتي عن كل علاقاتي السابقه و من ضمنهم علاقتنا فلا تحاولين تخربين خياتي و هذا اخر تحذير لج تقربين صوب زوجتي) و منو قرا المسج؟؟؟ ريلها
المهم شالحل برايكم الحين؟؟ احن اكثر على ريلي؟؟ او انطر؟؟ و خايفه زوجها ياخذ قرار بروحه لان اول ما شاف المسج قالها بطلقج !!!!
منو الي كانت وياك علااااق ويكبم زوجها ويحلف قدامه ان مايعرفهاا
وذيك لاتدري الا عقب صاحبه الشاان
اهم شي زوجها تخلص الشك منه
خل تدعي ربي اني مغلوب فانتصر
وتكلم اليالي يقول لزوجها اسم البنت
او تطلع برنت من الهواتف يثبت انها اول مره تتصل
يعني على قولتهم ما باذنه ماي
شفتي شلون رفيجتج تبي تخرب بيت بنت الناس والسالفه ردت كلها على راسها
صج كما تدين تدان
شوفوا جم بيت خربت وسوت مشاكل بين الازواج
ورفيجتج تستاهل صراحه ليش تتحداها وتحرشها تدق عليه وتدري انه متزوج!!!!!امبي شهالحقاره
شوفي شلون ربج عاقبها اللي ماترضاه على نفسها لاترضاه على غيرها
قلعتهم يستاهلون
وانتي طلعي نفسج من السالفه لاتتشربكين معاهم بعد وتبتلشين
ريال متزوج وكلكم كبار وناضجات
هذا تفكيركم؟؟ اتحداج تدقين وتقولين احبك؟
لاتعليق
يعني حلال تغثون الريال ومرته
وماوقفتوا رفيجتكم بلحظتها وقلتو لا مايصير
ولما يت على رفيجتكم صارت السالفه عبط
لاتعليق !!
شفتي شلون رفيجتج تبي تخرب بيت بنت الناس والسالفه ردت كلها على راسها
صج كما تدين تدان
استغفر الله
المزح والكلام الفاضي شفتوا شسوا
وكل طاح براس صديقتج لان مانهيتوا عن المنكر
الله يعينها خل زوجج يدخل يمكن تنحل المشكله
وهي تقوم تتحداها مع رجال لا وبتلفونها بعد
تتحمل مايجيها