– المطلقـة ممكن تعيدين النظر شوي ؟

الله يعوض كل مطلقه بالاخير يارب وتتسهل اموركم وتردون لبعض اذا كان الزوج يستاهل اما اذا ما يستاهل قرفاه عيد الله يعوضج بلل احسن منه

هلا حبيبتي اول شي الله سبحانه وتعالى قال ابغض الحلال عند الله الطلاق والرسول عليه الصلاة والسلام قال المراه خلقت من ضلع اعوج وكسرها طلاقها

يعنني حتى لو انتي تبين الطلاق وقرارج يظل شي مكسور بخاطرج ونفسيتج تتعب لازم تمرين بحالات نفسيه توصلين للانهيار لكن شوي شوي تقعدين تجمعين بنفسج وحتى لو تكرهين طليقج او العيشه معاه صعبه تجيج نفسيه بعد الطلاق تشتاقين له لان السالفه كلها عشره بس
انا مثال كنت ابي الطلاق وسويت النون وما يعلمون عشان لا احمل واتطلق وانا مرتاحه سافرت بعد الطلاق رحت ورديت وافتر بس النفسيه الخايسه شير لابد منه وعبالي انا بروحي لا طلعت النفسيه التعبانه اللي امر فيها شي طبيعي يعني سحابة صيف وتعدي لكن بعد جهج جهيد وتعب وصرت اتصدق بالهبل واقرا البقره عطول والقران ما اهده ولا الاذكار
وبالنسبه للناس استلموني جم شهر وهم زادوا نفسيتي صراحه بس لما بعدت عن الاجتماعات وقعدات الحريم التفت لربي شوي ذقت طعم السعاده اللي كنت فاقده الامل فيه بس يظل شعور داخل قلبج مادري شلون اوصفلج شي يحز بالخاطر بس يطلع من فتره لي فتره بس اقول الحمد لله ع كل حال قدر الله وماشاء فعل والمجتمع لا عادي مو نفس قبل الناس تفتحت
وموفقه

ليش كنتي تبين تتطلقين منه,,,,,,,,,,,؟

اول شي حبيبتي يعطيج العافيه ع الموضوع وثاني شي طال عمرج انا تطلقت مرتين عاد تخيلي الحاله الي انا فيها ضربتين بالراس توجع على قولتهم طلاقي الاول اكيد حسيت انه فادني تخيلي كان احقر انسان على وجه الدنيا راعي خرابيط وسكير كان يطلب مني اروح معاه هالاماكن يقول انا زوجج راضي سويلي الي ابيه وانا ماقصر معاج الموهم حاولت اسنعه ماكو فايده وانفصلت وطلاقي الثاني كان بسبة *** من شريجتي لاني خذيت واحد متزوج ومامداني حتى البس لبسي واغراضي وعطوراتي كل شي جديد بغراطيسه 25 يوم والرجال موصاحي وطايح مريض وتركني وكل واحد راح بطريج اهوا خوش رجال مشكلتي اني حبيته وشعوري عقب طلاقي الاولي ماينوصف لاني كرهت كل شي وقعدت 4 سنين يالله تزوجت وعقب طلاقي الثاني مادري شنو احس اشياء غريبه اصعب شي على الانسان انه ينظلم ومايقدر يسوي شي بس الحمدلله رب العالمين المؤمن مبتلي وبالنسبه حق المجتمع انا ماهتميت بالكلام والي ينقال لاني عندي ثقه بنفسي والكل يعرفني من بعيد وقريب ماامدح نفسي بس الحمدلله راضيه عليها ولان بالمرتين الي تطلقت فيهم ماكان لي ذنب بشي بس نصيب يمكن قبل تعبت انعزلت عن الناس بس عقب احس احسن حتى الحين عقب طلاقي الثاني الكل مستغرب من القوه الي انا فيها يقولون زين تاكلين وتطلعين وعادي عندج واذا رجع فيني الزمن اكيد بطلاقي الاولي ماني ندمانه بس الثاني كنت اتمنى اني استمر وياه بس من غير شريجتي سووووووووووووري ع الاطاله

حبيبتي انتي لاني صبرت وماكو نتيجه سالفه طويله شفتي اللي يقول رضينا بالهم والهم مارضى فينا
الحمد لله ع كل حال

يعطيج العافيه عزيزتي ع الموضوع

الطلاق بشكله الاعتيادي او الخلع كل منهم له آلامه سواء الريال اللي طلقج او انتي اللي خلعتيه

شي مؤسف لان الانسان يبي يكون اسرة و يبي عيال لكن فيه ناس مايصلحون لهالمسؤليه الكبيره

بالتالي مهما حاولتي ترقعين فيه ما راح يترقع ,,,راح تنزفين صحتج وعقلج بالتالي ماكو نتيجه لانه هو مو قادر يستوعب,,,

انا وحده خلعت زوجي وانا حامل بعد و يشهد الله اني ماني ندمانه ع هالقرار اللي اعتبره

اجرأ و أصح قرار اتخذته بحياتي

و اتفضلي ع هالرابط بتعرفين السبب

http://q8yat.net/showthread.php?t=77…C7%E1%D1%C7%D3