والله مقهورة منه

السلام عليكم
بدخل بالموضوع انا صار لي ثلاث سنوات متزوجه و الحمد لله ربي رزقنى ببنتين زوجي من اول شهر بزواجنا وقام يقوللى انتى عادى تتقبلين الامر لو تزوجت ثانيه قلت لا طبعا انا تونى صغيره مو ناقصنى شي ليش اجلس معك بتطلق منك وسكت عن السالفة
الحين قام يفتح الموضوع وكنا نتكلم بسالفه و دخلنا الحديث بموضوع الزواج وكنا نمزح قمت سالته قلتله انت من جدك تبى تتزوج قال اي بس انشالله الظروف تتحسن (( اقساط سيارة – ايجار ابيت)) قلت طيب ليش وانا ايش ناقصنى قاللى حلو اخد تانيه وتصيرون تتنافسون قلت انا عن نفسي ما بتنافس مع احد لانه بتطلق لا تفكر انى بجلس معك بيت ابوى مفتوح
تخيلوا وش قاللى
قاللى بس ما طلبتى شي حتى النفقة بتوصلك قلت لا مابي شي منك انا برجع وظيفتى
طبعا انا مقهورة بس اكلمه ببرود و مو مبينه انى معصبه قلت له شوف لو انت عندك النيه الزواج وبتطلقنى قوم خلصنى الحين ايش مخليك متمسك فيني وانت تقول انى ما اسوى شي ولا اطبخ ولا انت مستفيد بشي منى وعندك البيت ولا تشيل هم تزوج و جيبها هنا بس انا ودنى بيت ابوى
طبعا زوجى من الازواج اللى بس جالس بالمجلس مع ربعه اتزين واكشخ بس يجي من الدوام على المجلس ولا يعلق على مكياجى او شكلى ولا كانى مسويه شي
وانا الحين احس الكلام اللى قاله احبطنى كنت اسوى كل شي يسعده واحرص اسوى له شياء يحبها بس الحين احس عايشه معاه كانى مهدده بالطلاق وعندي بنتين طبعا انا قدامه اسوى روحى انى قويه و مو همنى كلامه انا عارفه طولت بالسالفه
بس انتم ايش رايكم
وانا لما اقوله طيب قوم خلص الحين دام انى مو نافعاك بشي ما يرد
طيب تتوقعون انها عين لانه كان غير وكله يمحنى عند اهله حتى طبخي حتى امه كل ماجلست عند الحريم تتكلم وتقول والله ماسمن الا على يدها طبخها يهبل وتهتمله

ردوا علي الله يخليكم والله احس انى صاده عنه