حالة الجو والنفسية الخايسة

السلام عليكم بنات
بما ان اليوم الجو مطر وغيم
حبيت اكتب لكم هالموضوع

اول شي المطر نعمة من الله والكل ناطره إلا انا ياربي من يغيم الجو تحوشني قمته فضيعة مادري ليش
من وانا صغيرة بس اطل من الدريشه والقى الدنيا ضلمة وغيم ومطر ورطوبة اكتئب
معني ما اعاني من الربو بس حتى نفسي يضيج

واليوم ريلي مستانس عالجو ويقولي هالجو كنت ناطره من زمان
وقالي امشي نطلع قلتله لا تعبانه وكل ماقال كلمة ارد عليه بنفس
مايدري ان هالجو يخلي نفسيتي تتعب واتنرفز واعصب

شي غريب ماني عارفة شنو السبب
بنات منو مثلي تتأثر نفسيتها بالجو
سواء الجو مشمس او ممطر

ولا بس انا اعاني من هالمشكلة

انا مرة سمعت الدكتورة فوزية الدريع تقول ان بعض الحري اذا غيمت الدنيا ينخفض عندهم هرمون وتخلي نفسيتهم تتعب ويتضايقون