تعالوا نتعلم فن استقبال الزوج بعدالسفر ،،

بسم الله الرحمن الرحيم

السلام عليكم ورحمة الله وبركاته

شخباركم خواتي اموووووووووووووووواح اشتقت لكم حيل ..

هالموضوع كل وحده تشاركنا فيه كيفية استقبالها لزوجها بعد غياب طويل لأي سبب عمل أو سياحه او اي شي,,

طبعا كالعاده انا ببدأ وبشوف افكاركم والهدف الاستفادة غيرنا يحوس من مكان لمكان يبي افكار ،،

عن نفسي اول مره ريلي يغيب عني 45 يوم طبعا للعمل . وبصراحه اول ايام كنت حزينه ما قدرت اقعد بالبيت سرت عند اهلي والنفسيه تعدلت الحمد لله بس المشكله بدل ما اضعف زاد وزني 4 كيلو بصراحه انصدمت ريلي يحبني ضعيفه

بس فكرت اغير بنفسي وايد عشان اخفي شوي من عيوب جسمي ،، سرت الصالون صبغت شعري خصل احمر رماني و سويت حمام مغربي وتحنيت مثل العرس الين فوق الكوع والريل بعد .

خذت قميص يديد وبجايم يديده وكفر للسرير وغيرت الصاله اشتريت سجاده يديده وحتى غرفة العيال خذت لها سجاده يديده وجهزت كيكه بصورة لزوجي هو يحبها وحفظت عيالي يستقبلونه الحمد لله على السلامه يالغالي توه ينور البيت اشتقنالك ..

هذي كانت افكاري وبالنسبه للوزن قاعده اسوي رجيم عندي 7 كيلو زياده ان شاء الله انزلهم

يالله نبي افكاركم وحركاتكم ..

دعوه صادقه منكم تكفيني ربي يسعدكم ويسر امركم ويهدي ريايلكم عليكم احبكم