شلونكم بنات اكيد كثير مثلي عايشات وغثىة خوات زواجهن على روسهن انا وايد تحملت بس كنت اقول يلة رح يتغيرون رح يقابلون معروفي بمعروف لكن كل مرة يجيني درس من هاحريم انة المعروف مايبين بعيونهن حتا الصغار يعني تخيلوا انا سافرت مع زوجي الشهر الي فات ماليزيا سياحة اخت زوجي الصغيرة سنة اولى جامعة يربي استحي على دمج كاتبة في الواتس اب اللة يحفظك يخوي برحلتك وانا وين معقول ومعها على جهازها مو بس رفيقاتها وايد حريم من العايلة يعني هذا اسلوب منها وهي اقل وحدة تكلمني او ازعلها يعني تخيلوا الكبارشلون نفسيتهم وكل شي يخبونة عني وانا عندهم بالبيت حتا يوم اشتركت بالنادي علمت اخت زوجي الكبيرة والصغيرة ابيهم معاي وادري يحبون رياضة تخيلوا الشهر هذا راحوا اشتركوا وانا ماقالولي تعالي معانا مخذين صديقاتهم وش يكون احساسي لا وريلي ماعندة سالفة كلة مايحبني اقول كلمة عنهم شايفهم ملايكة يربي طقت شبد شبدي من زلاعتهم افففففف
شلونكم بنات اكيد كثير مثلي عايشات وغثىة خوات زواجهن على روسهن انا وايد تحملت بس كنت اقول يلة رح يتغيرون رح يقابلون معروفي بمعروف لكن كل مرة يجيني درس من هاحريم انة المعروف مايبين بعيونهن حتا الصغار يعني تخيلوا انا سافرت مع زوجي الشهر الي فات ماليزيا سياحة اخت زوجي الصغيرة سنة اولى جامعة يربي استحي على دمج كاتبة في الواتس اب اللة يحفظك يخوي برحلتك وانا وين معقول ومعها على جهازها مو بس رفيقاتها وايد حريم من العايلة يعني هذا اسلوب منها وهي اقل وحدة تكلمني او ازعلها يعني تخيلوا الكبارشلون نفسيتهم وكل شي يخبونة عني وانا عندهم بالبيت حتا يوم اشتركت بالنادي علمت اخت زوجي الكبيرة والصغيرة ابيهم معاي وادري يحبون رياضة تخيلوا الشهر هذا راحوا اشتركوا وانا ماقالولي تعالي معانا مخذين صديقاتهم وش يكون احساسي لا وريلي ماعندة سالفة كلة مايحبني اقول كلمة عنهم شايفهم ملايكة يربي طقت شبد شبدي من زلاعتهم افففففف
اختي الحبيبه
سمحيلي
مافيها شي
ماشوف ان عندج فعلا مشكله او انهم فعلا غلطانين عليج !
يعني اهي حره تكتب اي شي تبيه بستايتس الواتس اب وعن اللي تبيه دام ماتعرضتلج بشر!
كتبت الله يحفظك يا اخوي برحلتك!
شالمشكله!
ليش تضايقتي عشان ماكتبت يا اخوي ومرتك؟
لاتصيرين حساسه بزياده
وبالنسبه لاشتراكهم بنادي ومابلغوج هم شالمشكله؟
مو مفروض يبلعونج كل تصرفاتهم ولامفروض تقوليلهم كل تصرفاتج
انتي بلغتيهم انج اشتركتي باختيارج
مثل ماقالت الحلوة الي فوقي !!
انتي اذا سويتي شي مو مهم تقولين لهم ولازم يسوون مثلج
ونفس الشي اهماا مو كل شي يقولونه لج
كل واحد وله خصوصياته !!
وبعدين ريلج شايفهم ملايكه لازم مو اهما اهله !
هم احنا نشوف اهلنا ملايكه من السما منزله ^_^
مادري ليش متحسسة من كل شي حبي !
لاتفكرين جذي ترا بتتعبين حاولي تمشين الامور
هذي لو تصيدج الله لا يقوله مشاكل اكبر شبتسوين بعدين !
والله يوفقج
ركزي بشغلات اهم
هذي تفاهات نسائية لاتودي ولا تجيب
لا تشغلين فكرج فيهم
ولا تضايقين زوجج بهالسوالف
الرجل مايحب هالسوالف اشلون اذا فيها حش باهله
قولي الحمدلله وشوفي مصاب غيرج
مايحصلون شغلات اساسية لهم ولعيالهم ومضطرين يصبرون
وانت همج سفرة وستيتوس ونادي
ماعندج مشكله
اقول
حمدي ربج
ترا النعمه زواله
لاتخبرينهم كل شي
عادي جذي ترتاحين عشان لايحترق دمج
انتي تقولين لهم كل شي وهما لا !
والله ما اشوف الستاتس فيه شي ابدا
مااشوف فيه مشكله ابد ابد … واذا كتبت عن اخوه بالواتسس … !! وين المشكله ..
لو انتي تحسنين الظن شوي انتي ورجلك واحد يعني لو كتبت عن اخوهـ
كأنه كاتبه عنك …
ومّ شاء الله على زوجك ونعععععععععععععم والله .. مايرضى على خواته هذا الرجل ولا بلاش
كثري من الاستغفار .. و فــمآن الله ..