بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
اخواتى ليس غريب الموضوع الذى اطرحه ا === سهر الزوج خارج المنزل لساعات متاخره من الليل========= على الرغم من ان اغلب الزوجات يهيئن البيت للزوج كاجمل جنان الارض الا ان الزوج يصر على السهر لساعات خارج المنزل==== ماهى تجاربكم ==وآرائكم=== ومقترحاتكم===== لهذه المشكله التى تعانى منها اغلب الزوجات === وانا واحده منهم=====
اخواتى ليس غريب الموضوع الذى اطرحه ا === سهر الزوج خارج المنزل لساعات متاخره من الليل========= على الرغم من ان اغلب الزوجات يهيئن البيت للزوج كاجمل جنان الارض الا ان الزوج يصر على السهر لساعات خارج المنزل==== ماهى تجاربكم ==وآرائكم=== ومقترحاتكم===== لهذه المشكله التى تعانى منها اغلب الزوجات === وانا واحده منهم=====
أشوف هالمشكله .. زوجي كله عندي .. بس يروح يوجب .. ويرجع
على طول ما في حتى دوانيه .. ولا شيء .. إنطروني ..3 أشهر .. وتعالو .. طرحو هالمشكله علي هههههههههههه
أكيد كلامي بيتغير ..
وينج ماما ام بدر عطينا افكارج اللي اتخلي رياييلنا لازقين ببيوتهم
الحين عادي خل يسهر الله وياه بس يعطيني خبر انه بيتأخر وخل يروح والقلب داعيله أحسن من الحنة والرنة بالبيت ..
أشوف هالمشكله .. زوجي كله عندي .. بس يروح يوجب .. ويرجع
على طول ما في حتى دوانيه .. ولا شيء .. إنطروني ..3 أشهر .. وتعالو .. طرحو هالمشكله علي هههههههههههه
أكيد كلامي بيتغير ..
مبروك يا عروس المنتدى وعسى الله يهنيج ويسخره لج بس لا تفتحين بطنج تقولين بعد 3 شهور هي بالكثير 3 اسابيع وزين بعد واسال مجرب
يحليله ابو الشباب يقول اخلاقي ما اخلاقي ما تسمحلي اتأخر اكثر
بس ترا ما يجي لما ادزله مسج احنا متقفين على جذي لا خلصت شغلي ولبست وصعدت فوق دزيتله مسج نص ساعه الا هو جاي
بس المشكله عمره ما جا من نفسه الا نااااااااااااااااااااااااااااااااااااادر لا واذا قلتله تعال مبجر يقول ليش ما ليش اقوله شنو ليش يقول لازم اعرف شعندج تبيني اجي وطبعا ليما اقوله تأخر نااادر ما يقولي ليش طبعا مو لازم يعرف شعندي من الوناسه
بس سؤالي لكم
متى زوجج يطلع من البيت ومتى يرد؟
والله ما كو فايده السهر و الدواوين بدمهم بس دامه بالدوانيه زين ولا بمكان ثاني
خلي يسهر و انتي راضيه و مبتسمه ولا يسهر غصب عنج و زعلانه اصلا اهو سهران سهران رضيتي ولا ما رضيتي
وساعات أدق عليه وأقوله اشتقتلك حبيبي ودي أشوفك وساعات أقوله بيحطون فلم عجيب mbc2 اشرايك تيي ونشوف الفلم مع بعض ومرات اقوله بنتك مو راضيه تنام إلا تيي وتلعب معها بس مو كل يوم علشان لا يحس أني مابي يقعد بالدوانيه أو يسهر
وبعدين الزوجه لازم أتسوي بين فتره وفتره مفاجئات علشان الريل يفكر ويقول شنو مفاجئتني اليوم ويرد بسرعه إذا ريلج فضولي
وشكرا
يعني سوي برنامج يوم قوليله نروح عند اهلك يوم اهلج يوم السينما يوم المطعم ويوم بالبيت ويوم بالاسبوع كافي يروح الدوانيه ولازم تعرفين من معاه قاعد ويكون افضل لو تخلين اخوج من بداية زواجكم يكون علاقه حلوه مع زوجج ويطلع وياه ويعزمه ويكون صداقه ومنها انتي مرتاحه عالآخر
ولدي كان مايقعد بالبيت عقب شهرين من عرسه وجنتي يتني تشكي تقول ماشوفه الا وقت النوم وقلت لها اهو كان عندي بس الحين صار عندج وانتي تقدرين بشطارتج تملكينه وباهمالج تفقدينه وعطيتها فكرة اخوها
وفعلا الحين اهو مع اخوها صايرين ربع طلعاتهم وروحاتهم مع بعض الحمدلله عالاقل انا تطمنت علي ولييدي انه مجابل بيته ومرته وولده اللهم لك الحمد
زين وانتي شكووو لا يكون موضوعج بس؟
هههههههههههه
لا جد بنات هذى موضوع مهم مؤرق أغلب البيوت يبيله مناقشه ونشوف مواقفكم وخبراتكم وحلولكم…
بليييييييز يالله تفاعلو عاد
بس محذرته …ياويلك إذا رديت متأخر و فى بالك شى
بس المشكله العظمى اذا قال مالي خلق اليوم اطلع
دقوا عليه واضغطوا عليه لما يروح لهم
هاذولا اصدقاء السوء