بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
زوجي يبيني ادفع فلوس الخدامه معنه طيب وحبوب ومايقصر معاي بالهدايا بس متنح يبيني ادفعها وانا صراحه يطيح من عيني الرجال اللي ياخذ فلوس من مرته ويقط عليها المسوليات اكرهه بسبب هالموضوووووع يكرهني فيه وانا بعد ماني صبوره اقعد بدون خدامه شسوي ؟؟؟؟
زوجي يبيني ادفع فلوس الخدامه معنه طيب وحبوب ومايقصر معاي بالهدايا بس متنح يبيني ادفعها وانا صراحه يطيح من عيني الرجال اللي ياخذ فلوس من مرته ويقط عليها المسوليات اكرهه بسبب هالموضوووووع يكرهني فيه وانا بعد ماني صبوره اقعد بدون خدامه شسوي ؟؟؟؟
الله يعينج
لو تفكرين فيها بالعقل
الخدامه تقوم باعمال الزوجه
يعني الطرف المرتاح والمستفيد من وجودها بدرجه اكبر هي الزوجه
فمافي مانع ادفع عشان راحتي
فوفو
ترا الحياة مشاركة و اذا انتي تعرفين ريلج زين و ما يقصر وياج و لا على بيته بالعكس ساعديه و كوني سنده بالدنيا حتى لو طلب منج شغلة ثانية تشاركينه وياه هم ساعديه
اهو ما خذا من فلوسج له اهو
يبيج اتساعدينه
مايقدر يقوم بكل شي
اذا انتو بشقة بروحكم لا والله ساعديه تكاليف الحياة بالكويت تستدعي المساعدة و التعاون
موفقة انشالله في حياتك
خلاص افهموها بنات ,, يطيح ما يطيح هذي مشكلتج بما انج رضيتي تكونين زوجه
وربة أسرة تحملي كل شيء لا تستلمين ولا تعذربين بينج وبين زوجج ولا تبحثين
عن المثالية راح تتعبين تمسكي بزوجج دام زين معاج وهو ماخذا وحده تشتغل
الا لانه مو قادر والديرة غالية صراحه والخدامات شغليهم لان الخادمة لج انتي
مو له بتساعدج بشغل البيت اللي مفروض الزوجه هي اللي تقوم فيه مو الرجال
لا تصيرين متعصبه ومتحيزه خلج ريلاكس وجيبيها
وله طمع منه !! انتي جاوبي على السؤال وقرري على اساس جوابج ..
ليش يبيج تدفعين فلوس الخدامه ؟؟
بالأول الله يبعد عنكم الشيطــــان …. فديتج من كلامج علاقتكم مع بعض حلوووة وعسي الله يخليه لج ولا يجوف غيرج بس بقول لج شئ وهذا شئ تعلمته من امي وأبوووي ^^ فديتهم عسي الله يبـاارك بعمرهم وربي مااراح أجوف شرات حبهم لبعضهم رغم الظروف الي كانت والحمدلله صبرو وصبرنا ونلنا الي كنا نتمناااه ..
رغم أن خوات أمي كل وحده عندها خدامه بس أمي عمرها ماتذمرت و كانت تعرف بظروف أبوي وعمرها ماطلبت خدامه فديييت طبااااخ أمي …كنا نحن بنتاها ونساعدها والله من وانا عمري 10 بديت الشغل .. الحمدلله عمرنا ماتذمرنا … وأبوي مايحب الأكل الا من أيد أمي قال لها بجيب لج خدامه بشرط ماأبيها تطبخ .. (( يعني للتنظيف بس ))..
وخلاصه الموضوع حبيت أقول لج وأنصحج لا تخربين علاقتكم دامها حلوه بسبب صغير وماله داعي اصلن تكبرينه .. ياااما بنات أطلقو بهالسبب يا أتيب لي خدامه أو توديني بيت أهلى ؟؟..!! ((والله لا يجيب هالشئ بينج وبينه )).. والله نصيحه بلا خدامه وبلا هم ….الخدم والعيااااذ بالله منهم والله يفكنا منهم ومن شرهم بعضهم خبيثااااااات .. يعني خلي ريلج بعيونج وأنتي الي أخدميه لا تخلين غيرج يخدمه ….
حاولي تشيلين كل شئ بنفسج أهو يوم بيجوف وضعج وبنفسه بيب لج خدامه … يعني لا تصرين عليه …
بس ماخبرتينا أذا كان عندج عيال أو توج متزوجه .. لأن الي توهم متزوجين يدلعون أسمحيلي ماأعرف وضعج بالضبط بس حبيت أنصحج ^^
مادامه طيب وكريم معاج .. لاتصيرين انانيه .. الحياه الزوجيه مشاركه لاتخلين بينج وبين زوجج حدي وحدك ماحب
هالطبع كللللللللش
الله يهديج