استخدام العنف بين الزوجين

يطلع قوته على هالمرة الضعيفة

مهما تكون المشاكل – عيب اصلا
اذا الياهل ماينفع معاه اسلوب الطق

فمابالج بمرة عودة !! زوجته شريجة حياته وام عياله
حتى الله مايرضى ان الزوج يشوه زوجته

وان صارت جدام اليهال – بيتم هالشي فبالهم ليما يكبرون
غير ان امهم صورتها بتتغير جدامهم وتصير شخصيتها ضعيفة

الزوج اللي جذي مايستاهل زوجته – ولا انها تطبخ له وتريحه وتداريه

اهو عباله جذي حل صحيح – او انه يفرغ طاقته عليها ويبرد حرته
وتلقينه برا عند ربعه خيخة مايكش الذبان من ويهه

اقتباس:

المشاركة الأصلية كتبت بواسطة brettey لا موضوعج مو فاشل وبالنسبه للريال الي يمد ايده وزوجته تسكت عنه هذه سلبيه وماعندها كرامه والله لو انا زوجي يمد ايده من غير سبب اقلب الدنيا على راسه انا عندي كرامه يا اطقه يا اشتكي عليه المهم اخذ حقي لان الوحده الي تسكت على زوجها مره خلاص بيتمادى لاتقولون الي ايده بالماي مو مثل الي ايده بالنار انا رفيجتي زوجها يوم طقها من اول مره على طول راحت الطبيب وسوت شكوى واشتكت عليه ما سكتت لان ابوها ميت وخوانها صغار ماعندها احد وقالت له ان مديت ايدك اكسرها لك وشرايج هم سمعت من رفيجتي ان وحده معاها بالدوام اقتبست فكره مسلسل قيود الزمن يوم هيفا حسين تربط زوجها احمد ايراج وهو سكران وتطق ايده بالمطرقه لان جذيه زوجها يشرب ويطقها حتى كانت تاخذ مانع وفعلا شافت المسلسل وطبقت اربطته وكسرت ايده عشان يتادب وتطلقت منه لان خوانها كملوا عليه يوم دروا انه يطق اختهم الوحده تاخذ حقها من اولها احسن عشان ما يتمادى الريال

انا من رايي الاهل يطقونه مو الزوجة لانه مووضعي عن العنف بين الزوجين >>>>>>>>>>> تكره العنف

اما سالفة المطرقة تخررررررع

يسلمو

اقتباس:

المشاركة الأصلية كتبت بواسطة أم ورود انا من رايي الاهل يطقونه مو الزوجة لانه مووضعي عن العنف بين الزوجين >>>>>>>>>>> تكره العنف اما سالفة المطرقة تخررررررع يسلمو

يا قلبي ساعات فيه اهل يعاونون بس فيه اهل يقولون ردي لزوجج واستحملي او اخذي حقج بنفسج او فيه وحده مثلا اهلها مو سند او ابوها متوفي وماعندها خوان وبس مع امها اهني لازم تاخذ حقها بنفسها
انا على فكره مو قويه بس لما ادافع عن نفسي ممكن ارتكب جريمه واحمد ربي ان زوجي مو من هالنوع وحتى لو صار عندي بنات بعلمهم ياخذون حقهم بايدهم
اكره ماعندي الي تذل روحها حق ريلها تلاقينه يطقها ويبهدلها واهي عقب تراضيه

من طورة ويمد ايدة بس عقبها ايتحسف ومايعيدها

اما ان الوحدة تصير مطقاقة عندة ايمسيها بطراق ويصبحها بطراق بهالحالة ايكون فعلا موريال

ولا فيه ذرة رجولة وهاذا موكفو ان الوحدة تعيش معاه حتى لو في عيال

وبنظري المرأة السلبية اللي تتحمل هالوضع وتستسهلة مع الوقت وتقبل على نفسها الطق والاهانة

تستاهل اللي ايييها لان الانسان كرامة واحساس ومشاعر ولمن المرأة تفقد كل هذيلا شخانتها تعيش