وين كنتي لما تفاجأتي بالطلق؟؟ و ايش سويتي؟

انا من سويت عمليه حق ظهري بالشهر السابع مادري الثامن وانا نايمه عند اهلي رحت مع ريلي قبل رمضان بيوم السوق بالليل اشتري لي ملابس قلت له ابي ملابس عاديه مابي ملابس حوامل قال لي اوكي
بعدها رجعنا ووقفني عند البيت قلت له خليني انام عندك اليوم بس وباجر رمضان اقعدك مبجر علشان توديني بيتنا وبعدين تروح الدوام قال لي اوكي
نمت اشوي وبعدها قمت ابجي مادري شنو صار فيني مثل القمته صارت لي شي قعد على صدري قال لي اشفيج قلت له لا عادي مافيني شي
قعدت الفير لما حسيت ان في شي نزل مني قلت لا هذي الافرازات مالت كل مره ورديت نمت وبعدها قعدت لما نزل مني شي جنه الدوره اول يوم
رحت الحمام وانتوا بكرامه وشفت الدم من هالصوب وتصروعت من الصوب الثاني ماني عارفه شنو اسوي
اتصلت برفيجتي مصكره تلفونها اتصلت على بيتنا محد يشيله اتصلت على اختي الصغيره قلت لها روحي قعدي امي ابيها بسرعه
كلمت امي وقلت لها شنو فيني قالت لي ومتصله فيني وللحينج بالبيت ما تقومين تروحين الطبيب

رحت اقعد ريلي عاد ريلي نومه ثقيل عادي يرد عليج ويكلمج بس نايم مايدري شنو يقول
وغصب قام وما استوعب اني بولد الا بالسياره كنت ماسكه اييده واضغط عليها حيل لانه الطلق توه بدا فيني
رحت المستشفى على ما يت لي الدكتوره قالت لي فحص مت من الخرعه قلت لها مابي وغصب يالله خليتها تفحصني وبعد العوااااااااار والااااااهااااااااااااااااات قالت لي 3 سانتي يلا الحين غرفه الولاده
قلت لها اي ولاده انا مافيني شي ابي اروح البيت

قالت لي الدكتوره بيت اييه يا بنت انتي 3 سانتي وين تبين تروحين وغير الدم اللي ينزل منج

المهم رحت غرفه الولاده على بالي غرفه الملاحظه بقعد على ما اولد بس دخلوني غرفه الولاده ومت من الخرعه

ومن الساعه 7 الصبح للساعه 7 بالليل يالله ولدت

انا بالبجر ولدوني بطلق صناعي
والثاني الطلق قعدني من النوم وبحزة روحت الناس حق الدوامات وعوار مو طبيعي وطبعا بالزحمة انا ومو قادرة اقعد عدل من العوار وريلي ادوده مسكين مو عارف وين يروح كل مكان زحمة وكان برمضان ودقيت على امى مسكينة بطريجها وهيه رايحة الدوام وقتلها نطريني بالمستشفى انا يايه ومسكينة على ما وصلت المستشفى الا امي قبلي واصلة

ووااااااي بنات احس رعب

الله يستر

وايييييييييييييييييييييييييييي مت مت من الضحك الله يقطع ابليسج قولي آمين ياشمس و قمر حدج راهيه شنو ميك اب و حمام زيت ههههههههه المهم انج ولدتي بالسلامه و عقبال مااتيييبن البيبي الثاني و تقولين لنا قصتج بس ها المره اليايه رجاء نبي اكشن اكثر من هالمره

والله اني ولهت على سوالفج

المهم انا الحين بقول لكم سالفتي …… احم احم احم

انا كنت نايمه وكل ساعه اقعد من النوم ولايعه جبدي ابي اولد لأني مليت من التعب و الثقل المهم قعدت من النوم الساعه عشر ونص الصبح وتني بتريق ولا احس شي ينزل على دااااافي عاد اهني اخترعت قلت ويه هذا ماي البيبي اللي نزل عي ولا افرازات ولا اني صرت ياهل وسويتها على نفسي لأنه اللي ينزل على ينزل شوي و يوقف عاد اهني قلت خل اروح الحمام اجيك و انا رايحه الحمام ولا اقول حق ريلي ترا جنها صارت صارت الصجيه بس لحظه خل اتأكد اول ولما رحت الحمام ولا ماكو شي ينزل عاد اهني تفشلت وقلت شسوي شقول حق ريلي انا صرت بيبي واسويها على نفسي توني بطلع من الحمام ولا هم ينزل على الماي و لا اتصل على امي علشان اسألها ولا تقول لي يالله بسرعه روحي الطبيب هذا ماي ابيبي نزل عليج عاد بسرعه اروح حق ريلي و اقول يالله يالله صارت صارت ايوا ايوا وحدي مستانسه واضحك وناسه واخيرا راح اولد واشوف نور عيوني برهومي وبسرعه تجهزت و رحت الطبيب ولا يقولون لي بس سانتي حاشني احباط وبجيت بجي من الفحص و قعدت من الساعه 11 الصبح لحد الساعه 12 بالليل و ولدت و الحمد الله

و انشالله ربي يسهل على كل حامل يارب و يرزق كل محرومه بالذريه الصالحه آمين يارب

هلا فيج حبيبتي والله برهومي بخير و الحمد الله يسلم عليج وايد

انتي شلون عيالج انشالله بخير و بوسيهم لي حبيبتي

الله يخلي لج اميمتج و عيالج وريلج يارب

و مبروك الحمل و انشالله ربي يعينج و يسهل عليج بالحمال و الولاده انشالله يارب