الحااااامل والكمام

السلام عليكم ورحمة الله وبركاته

بنات انا حامل بالشهر الخامس الحين تعرفون هالايام كله غبار بغبااار

انا الحمدلله مافيني ربووو ولامرة تنك صدري بس امس تنك بالليل يالله اتنفس وعوار بصدري حتى لما اتنفس اللي يمي يسمع صفير او صوت تنفسي يدري اني تعبانه حيل

ماقدرت انام ابي اختنق قلت اروح الطبيب
رحت المستوصف وقلته اناا حامل قال عادي هذا كمام خفيف بس يوسع الشعب الهوائيه ومايضر بالجنين قال اخذيه الحين وشوفي اذا رجعلج اليوم بعد ردي اخذي كمام يعني اخذه وقت الحاجه

المهم اخذت الكمام والله ارتاح صدري وقدرت انام

بس قعدت اوسوس لاني لما كنت اخذ الكمام سألت السستر قالت انتي اي شهر قلت الخامس قالت لامافي مشكل طيب غريبه الدكتورة ماسألني انا بأي شهر؟!!

مدري فيه احد اخذ كمام وكانت حامل

يعني البنات اللي فيهم ربووو اكيد تعبوو مع الغبار

ياليت اللي تعرف اذا يضر والا لا او وحده اخذت وكان عادي مافيه اي ضرر على الجنين

انا قعدت اوسوس لان الجنين كان يتحرك كل يوم يعني على الخفيف وكنت احس فيه الحين من امس ماحس فيه مدري يتهيألي

مابي اضايق زوجي واروح اسوي سونار لاني الاسبوع اللي طاف كنت مراجعه ومسويه سونار
وقبل هالمرة ازعجته بالليل كان جسمي كله تعبان ومكسر رحت مستشفي خاص لاني ادري الحكومي زحمه بالليل الساعه 2ودفع 50 دينار والحمدلله كل شي سليم بس كان ارهاق عندي
والله لايوريكم الكلام وقتها قطينا 50 دينار وقعدينا من النوم ومن هالكلام

طولت عليكم بالقرقره

بس ياليت تفيدوني بسالفه الكمام للحامل