الحمدالله ولدت بالسلامه بس هالمره ولدت ولادتين؟؟؟ ومادري منو السبب؟؟

السلام عليكم
شلونكم حبيباتي ؟؟؟
الحمدالله يارب اني ولدت بالسلامه وسمعواا قصتي

انا من ثني يوم العيد وانا مفتوحه 2 سانتي وماولدت الا يوم 19 -12 وموعد ولادتي كان تاريخ 16 المهم مااطول عليكم
رحت بيت اهلي والا زوجة اخوي بتروح الطبيب تسوي تخطيط لانه اهيا بعد موعد ولادتها طاف جان اقول خل اروح اسوي تخطيط شخسرااانه المهم رحت معاها المستشفى وسبحان الله كل ما اتيي مريضه تقعد على التخطيط يخترب وتميت ناطره ساعتين آخر شي قلت يوووووووووووه خلاص ماراح اسوي تخطيط جان تقول مرة اخوي لا يالخبله

" ميااانه عادي "

سوي تخطيط موو زين انتي لازم كل يوم تسوين تخطيط المهم سمعت كلامها وسويته دشيت على الدكتووووووووووره جان فحصتني وشافت التخطيط جان تقول انتي مفتوحه 2 سانتي وموعد ولادتج طااف صارله 3 ايام وضغطج على الاخيرشوي ويرتفع وتخطيط البيبي" مش كويس"يعني مو زييييين
عاد انا قلت بقلبيييييييييي يالهويييييييي كله ده وانا مش حاسه

المهم جان تقولي دخووووووول جان اطيير من الفرح "" وناااااااسه اخيرا راح اولد " المهم جان اقولها اوكي دكنوره انا مابي اولد اهنيه انا بولد مكان ثاني جان تقول اوكيييك وقعت وطلعت على مسؤليتي" بس المشكله انه عمتى عازمتني انا وبنتها اللي اهيا زوجة اخوي على لحم مشوي تقول هذا يساعد على الطلق " رحت بيت اهلي ولقيت امي وزوجة ابوي وزوجات اخواني ناطريني قلتهم السالفه وبدلت وقلت حق اخوي يود يني مستشفى دار لشفاء …
قلت حق امي بشوف ولدي "" مادري ليش كنت حاسه انه راح يصير فيني شي ويمكن اموووت " جان تقول امي لا روحي اخاف يشوفج ويبجي ..
ركبت السياره انا مع اخوي ويت زوجة ابوي يزااها الله خير معاي لانه امي مره كبيره ما تقدر تمشي مسافه طويله … رحت المستشفى وخلصت الاجراءات ودخلت " بس كنت يوعانه وافكر باللحم المشوي " واول ما قعدت بالغرفه جان اقول حق السستر يوووووعانه " هانقري ابي ديييييينر "
ويابولي هذاك العشاااا توست مع جبن وعصير مع اني ما احب التوست بس من اليوع كليته
ادري طولت عليكم بالحجي بس …….. قلبي مترووووسه ………. ودي اقول كل شي صار معااي
انا مشكلتي انه عنق الرحم عندي شاد وموبسرعه يفتح هذا من كلام الدكتوره المهم الساعه تقريبا 12 يت السستر وبيدها الحقته انا اول مره اشوفها لانه بولادتي الاولى كنت شاربه خرووع … اهيا حطت الحقنه وانا على طوووووووووووووووووول الحمام وكنت اصارخ بالحمام من المقص … جان تقول مرت ابوي لا تصارخين هذا شي عادي الم الحقنه وبعد مماخلصت مكان الحقنه شب على نااار وقمت ابجي واقول حق السستر يعورني تقول عادي عادي وانا ميته من الالم والا يت الدكتوره وقالت حطولهاااااااااااااااا جل ……… اهنيه ارتحت ……… انا ماعندي رقابه كلششش
الهم الساعه وحده حطتلي الدكتوره تحميله "طلق صناعي "وكانوا حاطيني على التخطيط وبديت احس بالالم والدكتوره مايتني الا الساعه ست فحصتني جان تقول نفس الشي 2 سانتي بس ما اقدر احطلج تحميله ثانيه لانه عندج طلق وراحت وخلتني مع الالم ومايتي الا الساعه 9 شافت الطلق زااااااااااااااايد حيييل جان تفخصني ونفس الشي 2 سانتي جان تقول خلاص بنزلج الولاده وبحاول بطرق ثانيه " بربيش ::: وتفجر المااااااااااي ""
قلت اوكي …
نزلت الولادة اول شي قلته ابي كمااااااااااااااااااااام قاللت السستر اوكي واهيا تضحك
وانا حطيت الكممااام وشفط وشفط لين خدرت واحس ونااااااسه خدرااااااااااانه ومادري عن الدنيا وكنت هااااااااديه مستسلمه للوضع لانه قبلها ماكنت نايمه كلش والحمد الله شوي شوي والرحم قاعد ينفتحلي لييين وصل 9 سانتي وكانت الدكتوره مو موجوده واحس الياهل بيطلع واشوف السسترات يقولون يلا ماما شدي شدي واناااااااااا دااااااااااااااايخه وماشديت قلت خل يولون يضحكون على وين الدكتوره وانا رايحه ماسكه الكمام ورايحه واهما ماما شدي ويرعصون على بطني والا ما حسيت الدكتوره يايه تركض وعلى طووول حطو هذول الحديد اللي يحطون عليه ريولي ولبسونس نفس الدلاق طويل " جان اقول السالفه صج والله " ويقولون شدي شدي واحس براس الياهل واشد واشد واشوف الدكتوره تقول ماشاء الله والسسترات يغنون ى لاف يووو ومستانسن والله جنها حفلة عيد ميلاد وانا دايخه واقول الحمدالله والشكر هذيل ينوو وقعدووو وتقريبا نص ساعه جان تطلع البنوته والا يحفونها على صدري وانا اقول وععععع شيلوها شيلوهااا لا يعه جبدي منها لما شالوها جان اقول سستر عفيه لا تودينها بشوف ويهاا جان تحط ويهاا بويهي والا الياهل يصااارخ بويهي جان اقول يمااااااااااااااااااااااااااااااااا والله اخترعت منها جنها شووووكييييييي المهم ولدت والحمد الله بس والله طلعت من الولاده وقلبي مقموووووووووووووووت مادري ليش مو نفس ولادتي بولدي كنت حاسه انه في شي ……..
تعبت وانا اكتب برتاح شوي واكتبلكم قصة الولاده الثانيه