بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
أنا توني بجر بالشهور الأولى .. صايرة تكرمون بسرعة أنحصر وماعبر أمسك نفسي لدرجة إن مرات ما يمديني أوصل للحمام عزكم الله
وتكرر هالموضوع وايد
شي يفشل بس شسوي طول الوقت تشوفوني أراكض ولا بعز النوم أنقز إلحق ما تلحق مع إن بيني وبين تكرمون الحمام مترين
سمعت إن تمارين كيجل تقوي المثانة للي بمثل حالتي .. هالشي صحيح ؟
وعادي أسويهم وأنا حامل ولا فيها خطورة ؟
السلام عليكم ورحمة الله وبركاته
أنا توني بجر بالشهور الأولى .. صايرة تكرمون بسرعة أنحصر وماعبر أمسك نفسي لدرجة إن مرات ما يمديني أوصل للحمام عزكم الله
شي يفشل بس شسوي طول الوقت تشوفوني أراكض ولا بعز النوم أنقز إلحق ما تلحق مع إن بيني وبين تكرمون الحمام مترين
سمعت إن تمارين كيجل تقوي المثانة للي بمثل حالتي .. هالشي صحيح ؟
وعادي أسويهم وأنا حامل ولا فيها خطورة ؟
و بالنسبة لانها تقوي المثانة حزة الحمال ما عندي فكرة, بس الي اعرفه انه طبيعي انك تحسين كل شوي بتروحين الحمام بس بالاشهر الاخيرة لان البطن يضغط على البطانة , بس انت تقولين انك اول الاشهر فنصيحتي لك انك تسوين فحص بول و تاكدين ان ما معاك التهاب لان التهاب البول اهو الي يسبب هالحالة بالاشهر الاولى و سوي فحص سكر بس اهم شي فحص البول لان التهاب البول مضر للحامل
انشاء الله اكون افدك بالي اعرفه بس و ربي يسهلك الحمل و الولادة
جدااااااااااااااااااااااااااااااااااااااااااااااا
الحين تحسين بهالحاله لان الرحم قاعد يكبر وياخذ وضعه وحجمه ووزنه من حيث السوائل
واخر الاشهر بسبب ثقل البيبي
وطبيعي باول الحمال يسوون لج تحليل بول علشان يشوفون الالتهابات بس انتي كثري من السوائل
وسوي التمارين الحين وحتى لو ماكنت حامل المفروض كل بنت ومتزوجه تسوي هالتمارين لانها تقوي المثانه
وبعد الولاده بتحتاجين لهذا التمرين لان المثانه والرحم يصير فيهم ارتخاء بسبب الشد والضغط اثناء الولاده
الله يسهل علينا يارب
ا
جزاكم الله خير يا بنات
هالشي صح طبيعي بالشهور الأولى لكن سالفة إني ماقدر أمسك نفسي خوفتني
صايرة ما أتحكم بالموضوع لدرجة إني بديت أدخل تكرمون الحمام حتى لو مو حاسة بشي بس احتياط !
بس تخف بعدين وترد تزيد بالتاسع ..
حنتوشه اليوم والله عطست جان شسمونه !!!
اشدعوة صايرة هدد كلش
يعني هذا طبيعي ؟؟