معلومات يديده عن مستشفى السيف

السلام عليكم بنات اشلونكم انشالله تكون معلوماتي يديده و ما افتشل لوووول
امس كنت اموديه و لدي اراجع بالمستشفى و الدكتور طلب تحاليل و احنا ننطر النتيجه قلت خل اطمش على الغرف اخطط للمستقبل ههههه ادعولي
و طبعا انه كنت امتابعه مواظيع مستشفى السيف الي يكتبونها البنات اهني
رحنا الغرف و شفنا اصغر غرفه سعرها كامل ولاده طبيعيه مع يومين 595 طبعا انه قلتله ابي اعرف سعر الغرف باليله قالي الصغيره 100 بالليله يعني سعر الولاده من غير غرفه 390 تقريبا عشان تحسبون الغرفه الي بعدها في اي بي الليله 250 و ال فيفي اي بي الليله 450 و في منها نوع اشوي تختلف اتصير زياده 50 بالليله و الرويال 1200 بالليله

و سألته عن بنات السيرفس قال ما عندنا هل طريقه الي يبي يطلب باكيج كامل يكون فيه قهوه و شاي و موالح و خدمه و بعد اشياء ثانيه ب 250 و ليليحين ما طبقوه يبيلهم اشوي على ما يرسون على شركه و بعد على قولته الكوافيره نفس الشغله قعد ينقون عشان يرسون على وحده و سألتهم متى تكتمل معداتكم قال كلها كامله فقلتله اني سامعه انه وايد حالات عندكم تحولت حق المواساة عشان المعدات مو كامله قال بالعكس احنا عندنا بس حاله و حده زوجها ما رظا لي انه تقررت لها عمليه قيصريه و ماعجبه الفرق بالسعر فنقلها و هذي حاله من 40 حالة ولاده صارت عندنا و بس طبعا الغرف كلها لونها بيج على قولته عشان ما تتعبين بلون الكفر حتى الرياييل قامو يعرفون بهل سوالف و الغرف كلها شرحه و تقدرين اتزيدين كراسي و طاولات على مزاجكم و ببلاش و سوري على الطواله

ايي نسيت اقولكم انتقلت عندهم دكتوره روبينا من المواساة و بتيي لهم دكتوره يديده بعد اسمها نادين من مصر و دكاترتهم الموجودين دكتور جعفر قناوي و دكتور اشرف و دكتوره جيهان و سابين من المانيا و في بعد دكتور نسيت منو اهوه

و لا تنسوني بنات ادعو حق ولدي الله يشافيه و يحفظه و خليه لي انشالله