قصه ولادتي المؤلمه بأحلي البنات

السلام عليكم ورحمه الله وبركاته

الحمدالله ولدت وجبت احلي بنوته بعد عمري بتاريخ 3-8 الساعه السابعه مساء

وبدايه قصه ولادتي رحت عند الدكتور مراجعه عاديه قالي البيبي يتحرك قلت له يعني قالي يعني

يتحرك كل 12 ساعه 10 حركات ولا اقل قلت له اقل قالي لازم تروحين الحين تسوين تخطيط

واشعه نشوف البيبي شلونه وانتي بعد عندج السكر لازم نطمن عالبيبي …..المهم رحت مثل ماقالي

سويت التخطيط طلع نبض البيبي اقل من العادي وتحط لي اكسجين ودرب عشان يصير زين ويقدر يتنفس

المهم عطاني الدكتور بعدها بيومين تنويم عشان يولدوني ….صار يوم السبت واتصلو علي المستشفي عشان اجي

لموعد التنويم ورحت لهم العصر اول ماجيت قعدو يسوون تخطين ونبضات للبيبي وانا احساسي ماكو احساس

متبلده مشاعري مادري ليش صار فيني جذيه البيبي مو قاعد يوصله اكسجين كفايه وانا كله على الاكسجين

صارت الساعه 10 باليل وجت الدكتوره تفحص لقته 2 سانتي مفتوح وقالتلي عندج فتحه الرحم حيل متينه

بحط لج تحميله تفتح الرحم زياده وابره بالعضل تلين عنق الرحم قلت اوكي المهم حطت التحميله الله لايوريكم

شلون تحطها اففففففففف الم مو صج ….المهم راحت وخلتني والتخطيط على بطني يطلع فيه طلق بس انا ما احس يشي

ونمت.. الساعه 6 الصبح جت عندي الدكتوره قالت يله بفحص مره ثانيه فحصت لقته 3 سانتي مفتوح بس هم عضله

الرحم للحين مالانت يبيلج ابره ثانيه وانا اوكي للحين مافيه مشاعر واحاسيس احساسي متبلد رديت نمت وصلت الساعه 11

الصبح والحال اهو اهو مافتح الرحم ولا شي قعدت من السبت الى الاثنين واهي تحميله ورا تحميله والالم بدا بس مو راضي

يفتح اكثر من 3 سانتي وكل يوم يجيبون وحده ورا الثانيه حريم مثلي توليد يجون ويروحون وانا مكاني ماتحرك وبدت النفسيه

تتحبط وصابني قلق وخوف وبدت مشاعري تتحرك وزارني زوجي يوم الاثنين بالليل وقعد يقراا عليه وانا بس ابجي خايفه

من العمليه وخايفه مارد لعيالي وكل شي افكر فيه زوجي بدااا يأيس ويقول والله ماانام الليل يقول كله من احلامج

راح زوجي البيت وانا اقعد ابجي وابجي وابجي وجتني السستر تقولي ليش انتي تبجين الله مثل ماحطه فيج قادر على انه

ينزله ومتى ماراد الله كن فيكون قالت لي قومي امشي عشان يتحرك البيبي ويحمي الطلق واقوم امشي وامشي وابجي

كنت خايفه ماارد لعيالي وافكر في بنتي ريتاج في البيت ….المهم صبح الثلاثاء الساعه 8 اللي جنبي جت مثل البارح

وفحصوهاقالولها يله توليد وانا عاد اهنيه حيييييييييييل تحبطت نطرت الدكتوره لما تجي اوصلت عندي الدكتوره قالت يله

بفحص وانا مأيسه انه يفتح فحصت لقته اربعه سانتي قالت الحمد الله اربعه سانتي يله غرفه التوليد واقعد ابجي قلت لها انتي

متأكده دكتوره قالت لي انا مو قايله لج قولي ياكريم واهو ربي يفرجها …ودقيت على زوجي قلت له خلاص بروح التوليد

وستانس وقعد يحمد ربه ويدعي لي دشيت غرفه التوليد الساعه 11 الصبح فحصتني القابله القانونيه قالت لي انتي 3 مو اربعه

وانا هاه شنو الدكتوره تقول اربعه قالت ماعليه انا بفتح ماي الراس وان شاء الله الامور تمام بطت ماي الراس وبدا معاي الالم

يشد قالت لي الساعه وحده بحط لج طلق صناعي قلت اوكي وحطت الطلق الصناعي وبدا عاد اهنيه الصج طلق ورا طلق

وتقولي بعطيج مسكن وانا اقول لها مو الحين شوي وهذي سالفتي ليما حسيت بالموت ابي مسكن ابي مسكن حطت المسكن

بس احسه ماسوا شي وكل ما جاني الطلق اتشهد واستغفر والقابله اتشممني الاكسجين وانا كل ماشميته بدنيا ثانيه والسسترات

يطالعون بشعري ويتكلمون فيه شي هاد بيوتفيل هير وانا اقول لهم بليز ليف مي الون ويضحكووون والمهم عاد زاد الطلق

مو طبيعي وبديت اصرخ وانقلب كلامي انجليزي بدال ماقول ياارب صرت اقول اوه ماي قاد والسسترات فارطين من الضحك

وانا بقلبي اقول ياحضهم مايحسون بالالم والسستر تحط لي هالاكسجين ليما جتني ازمه ضيق تنفس جان تطقني ابره ازمه

والحمد الله عدت على خير وزادت الطلوق حيل حيل وصار اللي صار وطلعت الساعه 7 بالليل بنوتي مزرقه من كثر

ماتعبت حبيبتي وسيده دقيت على زوجي اطمنه اول مارفع السماعه ماقال الوووو لا كلوووووش الحمد الله عالسلامه

قلت الله يسلمك اشدراك قال من اليوم ازعجت السسترات بالاتصالات …. بعد عمري فديته …وهذي قصه ولادتي العسره

والله يقوم باقي البنات بالصحه والعافيه ويسهل على الحوامل