بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم 
انا بدش بالموضوع على طول اللي سوت تنظيفات من قبل ينزل عليكم دم بعد التنظيفات ولا لأ انا ما ينزل علي دم كلش مرات دم خفيف حيل لونه احمر فاتح وبسالكم متى تردون لحياتكم الزوجيه ومتى تنزل الدوره وصج يتأخر الحمل بعد التنظيفات ومشكورين سلف.
السلام عليكم
انا بدش بالموضوع على طول اللي سوت تنظيفات من قبل ينزل عليكم دم بعد التنظيفات ولا لأ انا ما ينزل علي دم كلش مرات دم خفيف حيل لونه احمر فاتح وبسالكم متى تردون لحياتكم الزوجيه ومتى تنزل الدوره وصج يتأخر الحمل بعد التنظيفات ومشكورين سلف.
ولنظفتي تقدرين تردين لحياتج
والدوره تيج به 35 الى 40 يوم
عااادي أنــا كنت نفسج … لان بالعمليه نظفوا الرحم عدل فماينزل معاج دم ..
ع الأقل بعد 15 يوم لما يرد رحمج لوضعه الطبيعي .. وانا سويت جذي
انا نزلت علي الدوره بعد 32 يوم بس بعدين دورتج تنتظم نفس قبل بس الله يعينج على عواار الدوورة اللي بعد التنظيفاات تموووووووت
وبالنسبه للحمل مايتأخر عادي انا حملت بعد اول دورة من التنظيفات بس من حللت طااح لاني ملقووفه ممنوع الوحده تحمل بعد التنظيفات لازم الرحم يرتاح ع الاقل شهرين ..
بس اللي الله كاتبه يصير
اشوه ان دكتوورتي شااطره وصفتلي حبوب الي تكبر سماكه الرحم علشان اقدر احمل ويثبت البيبي مره ثانيه وما يصير اجهااض من بعد التنظيفات
وأول ثلاث تيام بس ينزل علي دم دوره بعدين نقطه بس ونظفت بعداسبوعين من التنظيفات
وياتني عقب شهرين
بس انا لان فيني ارتفاع هرمون الحليب ومانزلته من اول شي اهملت رووحي
وتوها نازله علي
ومو شرط وايد بنات ماشالله يحملون بسرعه ويوولدون طبيعي
وربي يعوضج ويعوضني قريب يااارب
حبيبتي انا توني مسويه تنظيفات قبل ثلاث ايام ويوم حملت ما كنت مسويه تنظيفات من قبل يعني ماله شغل بالحمل هذا الاخير سويت تنظيفات والجنين مات لانه فيني اجسام مضاده والدكتوره سوت لي شفط ما سوت قحط ومشكوره عالرد ومشكورين كل حبايبي اللي ردوا.gif "Eh S(6)")
لا حبيبتي انا حامل وصار معاي اجهاض بالشهر الثالث والبيبي ما نزل فسولي عمليه تنظيف للرحم
بس ما يت لي الدوره و صار فيني تكيس و اول مره يصير فيني اصلا .. !
وتأخرت علي الدوره .. و الحمدلله الحين انا حامل بأول شهر الله يثبته .. ان شاءالله يتم ..
دكتورتي قالت لي عادي مو شرط تنطرين بس اذا انتي تبين تريحين نفسج ..
واللي تتعب وايد و تتحرك ما راح يتم حملها ..
يعني لازم اول 3 اشهر منسدحه و نايمه .. مو كل شوي شايله جنطتج و رايحه افنيوز .. لول
الله يعينا كلنا
و بعد ما تخلصين 10 ايام نفاس .. تردين حق حياتج الطبيعيه ماكو شي .. بعد فيه الم بالجسم اكيد ..
و تحملين اسرع بعد التنظيفات ترا ..
التنظيفات اهي عمليه ينظفون فيها الرحم يعني مثل السونار الداخلي يدخلون مثل الحديده ويطلعون بقايا البيبي او الجنين كله اذا ما كان نزل