تكفة منو مجربة دكتورة باد مسري للولادة والمراجعة بمستشفى السلام

اول شي بشوشه .. ثاني شي تعطيني وقتي و اطمني .. ثالث شي حريصه علي كانت .. رابعا وصيتها ما تخليني بالولاده و فعلا ياني طلق و رحت المستشفى ساعه 1 الفير يتني الساعه 3 و حزت الولاده لو غيرها طنشو ولا عبرو حدهم بالتلفون لي طلعه الراس .. خامسا الخياط هم وصيتها و شرحت لي شلون الخياط و فهمتني و الحمدلله خياطها روعه ولا ابين ولا شكيت من شي .. سادسا بالولاده يننتها شوي و قتلها ابي قيصري حنيت حنه عليها لو غيرها دورت اي عذر و قالت قيصري بس صبرت علي الحمدلله سياستها حلوه لانه صبرت علي و شافت مو قاعد يفتح رحمي بسهوله ما تبيني اتعب انا و البيبي حطت طلق صناعي الحمدلله ما طولت 5 او 4 ساعات الا انا والده

و زارتني بعد ولادتي احسن من الف غيرها الي ما يعبرون مراجعاتهم بعذر الضغط ..

بعد الاربعين شريت لها سواره ذهب و رحت تشكرت منها على كل شي .. لانه كنت بجريه و زهقت افتر و الحمدلله ربي قطني عندها .. لانه من بعد رب العالمين اهي الي كانت قلبها علي ولا خلتني ♡