عندي اختبار المناعه اللي قالت عنه الاخت sweeta77

السلام عليكم

شلونكم بنات ؟

ذاك اليوم قريت موضوع الاخت sweeta77 عن موضوع تحليل المناعه اللي سوته اختها
واهيا الحين ماشاء الله حامل .. الله يتمم عليها ان شاء الله

اللي ما قرت الموضوع تشوفه هني
سبب مهم مهم في تاخر الانجاب والكويت ما يعرفونه

المهم في الموضوع اني لما قريت اسم التحليل اللي سوته اختها بحثت عنه في الانترنت
ولقيت موقع فيه اختبار متكون من مجموعه اسأله يبين لج اذا فيج مشكله بالمناعه او لأ ..

هذا الموقع اللي فيه اختبار IMMUNE SYSTEM TEST

http://www.nutritionaltest.com/freeimmune.html

طبعا الاختبار بالانجليزي .. واللي عندها مشكله بالانجليزي
تقدر تترجم الاسئله بموقع القوقل للترجمه
http://translate.google.com/translate_t?sl=en&tl=ar

انا جربت الاختبار وبصراحه تفاجأت بالنتيجه ..
مع اني كنت حاسه ان عندي مشكله بالمناعه

هذي نتيجة الاختبار اللي سويته :
WARNING
Severe Immune System Weakness

Your subjective test results indicate, that you have the potential for Severe Immune System Weakness. A more comprehensive objective assessment is strongly warranted and highly recommended.

كتب لي تحذير بأن عندي احتماليه بضغف شديد بالجهاز المناعي

فبشوف ادور لي مكان اسوي فيه التحليل واتأكد من النتيجه
لأن لي ست سنين الحين ما عندي عيال وكل شي عندي سليم
ولما احمل ما يمديها تكون النتيجه ايجابيه يومين ثلاثه والا الدورة نازله

والمشكله ان الدكاتره ما يحرصون على هالشغله كل همهم ادوية التنشيط والابر

المهم
حاولوا تسوون الاختبار وعطوني النتيجه خلونا نشوف اذا كان الاختبار مضبوط والا لأ

واذا عندي معلومه يديدة عن الموضوع بحطها لكم
وهم اللي عندها معلومات خل تفيدنا فيها