اللي انفجر فيها الانبوب وشالته تكفون تدخل

الله يعوضج ان شالله خير
انا اختي وحبيبتي العام شالت انبوبها لان الياهل انفجر والدكتوره اضطرت تشيله وقالتلها لا يصير حمل سنتين لان احتمال كبير تحملين حامل خاارج الرحم

فتعلمنا يك المره ان وقت دورتها تحس بعوااار قوي لان حبيبتي بالاصل مشيول
فطبيعي تحسين بعوار ونغزات يا قلبي

تسلمون الله يطمنكم

تصدقون من حر العوار احس كانه مسمار يطق من داخل

الله يعوضج خير بس أفتكر أنه لا زم تعالجيين أو يعطونج حبوب منع حمل مدة معينه علشان لاتتعرضيين ا حق هذا النوع من الحمل لمفروض دكتورج يسويلج فحوصات قبل لا تحمليين مرة ثانية على العموم الخير في ما وقع والحمدلله على السلامة والله يرزقج بعيال معافيين يا الله يا كريم

انا خبره بالأجهاضات وبدخل غينيس بعدد الأجهاضات ولله الحمد ولله الحمد ولله الحمد ………..انا سلمكم الله اجهت 9 مرات الحمدلله 7 منهم ماسويت تنظيفات لأنهم كانو صغار ومايحتاج شرب بس عشبة نظفت الرحم وجتني الدوره بعد شهر ودايم يصير حملي بعد كل عوار مابين 8 – 9 شهور اما بالنسبه لباقي الاجهاضات واحد فيهم كنت اخذ مثبتات قويه ووقف النبض علي شهرين ونص ومارضي ينزل وماكان معاي دم ولا عوار ولا شي واضطريت اسوي عملية تنظيفات وجتني الدورة بعدها اعتقد شهر وشي واخر حمل فيهم صار خارج الرحم ( ماشات عدل ابونا الله يهداه )المهم علي طول من حللت نزل معي دم وخفت قلت اكيد اجهاض كالعاده الحمدلله ورحت للدكتور وكتب مثبتات عاديه وبعد يومين من التحليل جاني عوار علي خاصرتي اليمين وقلت مو معقوله زايدة لأني شايلتها سنة ابوي ياخذ امي…شوي شوي وقفت النساة يالله الخيرة …ورحت عالموعد بشوف الجنين ؟؟؟؟ وتوني كاشفه بطني قال الدكتور مافي كيس بسم الله ليش ……..والمفروض كان عمره 6اسابيع …قلت ماراح ايأس وقمت احلل هرمون كل48 الله لا يخسر مره مرتفع الهرمون ومره نازل حتي الدكتور استغرب قال( اي ده ازاي يحصل كده …الهرمون اما ينزل ويعتبر اجهاض او يرتفع ويكمل الحمل انا مش عارف اللي بيحصلك دة لا لا لا راجيعني بعد اسبووووووووووووووووع.. ).ياليل ماأطولك ,….. وراجعته بعد عشرة ايام وكان ينزل دم خفيف وانا من خبرتي بالأجهاضات ادري اذا اجهاض ينزا كتل ودم ونزيف بس هالشي اول مره اشوفه ….. سوي سونار داخلي قال( لا لا لا لا ده خارج الرحم وفي خطر عليكي لا زم تنامي عندنا النهارده وبكرة من النجمه نعملك عملية منظااااااار ونشيله )….ودخلت المستشفي وسويت العملية وشال الجنين وانبوبي معاه والحين صرت بأنبوب واحد الحمدلله وقال الحمدلله عالسلامه( ده احنا شلنا منك حاجه اد كده) ويأشر علي اصبعه تخيلو انتو عاد اصبع الدكتور اكيد شالو شي جايد وشفت عمليتي مصورينها لي لااااااااعت جبدي بس تصدقون خيره لا نهم لقوا علي سرتي كلبس ناسينه مستشفي الفروانيه لما سويت عمليتي الزايدة قبل ماأتزوج وهذا الحجي من مده بسيطه ….بس من 16 سنه ههههههههه …. والحين لي اربع ايام من العمليه وبنتي تضحك علي تقول يمه حاطه سرير وناس داشه وناس طالعه عاد لو جايبتلنا ولد والا بنت جان اضبطت …قلت والله يابنيتي الشكوي لله شسوي قدر الله وماشاء فعل ….وخيره وعسي ان تكرهوا شي وهو خير لكم ….وبس احس اني قرقت قرقت وطلعت اللي بجبدي كله …عساني فدتكم بشي وادعولي امانه يرزقني بالولد الصالح المتعافي السليم ويحسن خلقه وخلقه ….ويرزقكم معاااااااااااي اميييييين وعساكم ماتشوفون اللي شفته وبعد عنكم الشر خواتي …والسلااااااااااااااام

خااااااص جدا ياحياتي عورتي قلبي تذكرني بالله مضى انا تو اقرى ردج الله يعوضج ويمكن خيره

نرجو الله جزاج ربي الف خير والله كريم