أخيرا حملت الحمدلله عقب 3سنين معاناة وهذا علاجي البسيط

بسم الله الرحمن الرحيم
*

السلام عليكم ورحمة الله وبركاته*

خواتي … عضوات المنتدى *… او اي زائر يقرا الموضوع*

اول شي حبيت اخبركم ان الله تكرم عليه وارزقني بالذرية …. والحين أنا حامل*

ثانيا : ابغي دعواتكم في ظهر الغيب بان الله يتمم حملي على خير …*

ويرزقني بالذرية اللي تكون /يكون حسن الخلق والخلق

ثالثا : بغيت اخبركم عن طريقة علاجي اللي اقدر اقووولكم بكل ثقة انها بسيييييييطه*

الحين بقولكم قصتي من الاول للآخر ::*

أنا كملت 3 سنين وانا ابغي احمل …. من ثالث شهر من عرسي وبديت اراجع*

طبعا كل الفحوصات تقول انه أنا وريلي سليمين الحمدلله ومرات يطلع تكيس بس يخوز اما الباقي كله اوووووكي ولله الحمد

£) اول شي سرت عند اوراس *كررهت الانتظار عندها والدور طوووويل و عذبتني بالكلوومييييد*

£) ثاني شي سرت عند مركز كونسيف اللي فالشارجة / منطقة التعاون / سبب لي احبااااااط *… … وما عالجني سيده قالي سوي أطفال أنابيب انتوا الاثنين (أنا وريلي ) عقيمين … حطمنا على الاخر … يوم قال ريلي لا بنسوي علاج ثاني … قال ما عندي علاج انتوا الاثنين sleep together ويمكن تحملين*

وقفنا فتره بسبب هالتحطيم النفسي …بس حمدنا ربنا ما كملت علاجي عنده لانه طلع مطرود من مركز دبي الإخصاب لانه كشفوا كذا حالة *خلط الأنساب هو عالجهم …ما كان يشتغل بذمة وضمير*

£) قالوا لي جربي الدكتورة رنا اللي كانت في مستشفى ام قيوين / حاولت ويايه بكورسات كلوميد كرهت حياتي فيها لانه عذبني ونفخني ونفسيتي داون على الاخر *

£) سافرت تايلاند وسويت فحوصات شامله أنا وريلي … والحمدلله كل فحوصاتنا أوكيه*

£) سرت عند الدكتورة جوان مراد ….. وسوينا كل فحوصاتنا .. والحمدلله كلها أوكيه … قالت بسوي تلقيح صناعي لكم …. سويناه 5مرات بس ما الله راد احمل*

£) قررنا نسافر بلجيكا وقمت اقرأ عن تجارب خواتي بالمنتدى وايمع معلومات واخزنها عشان يقدم ريلي ونسافر*

————-

اختي الكبيره من اول ما عرست وبديت اراجع وهي تقولي سيري عند د.*طاهر حسين (هو مصري ريال كبير بس طيييييب ) اللي في شارع الرقة دبي هذا اختصاصه هرمونات وعلاج عقم*
* *
المهم كنت دائماً أقولها فحوصاتي كلها أوكيه مال الهرمونات*

اخر شهر 3- ردت رمستني عنه … خبرت ريلي وقال خلنا نجرب بس هذا اخر دكتور نسير له فالدوله*

اول ما يتني الدوره شهر 4 سرنا له …. خبرته برحلة العلاج مالي كااااامله …. قالي ببدا وياج علاج لمدة 6شهور ماكسيمم وان شاء الله تحملين خلالها*

قالي ترى علاجي غالي وتحاليل اللي اسويها غاااليه بس هو سوى موازنه فحط سعر ثابت للعلاج ويا التحاليل *تقريبا 4800 درهم شهريا او اقل …. بس ما تزيد عن جذيه

*
********* طريقة العلاج ***********

-الشهر الاول كان بس تحاليل وعطاني ثاني يوم بالدورة شراب ديكادرون اعتقد يعطونه اليهال /قالي كل 6ساعات لمدة 5ايام مع التحاليل …. أنا مش من دبي … كنت اكرهه أني أسير فالزحمه بس عشان تحليل … بس الحلو ان التحليل عندة فالعيادة*

€} عقب ما سوى تحاليل مدة دورة شهرية كاملة ( 28 يوم) قالي اكتشف السبب اللي اخر الحمل ….. والسبب بسيط وهو ان هرمون الانوثه ينزل عندي عقب الإخصاب من ال 300 لين 96 وهالهرمون يخلي بطانة الرحم تستوي لزجة عشان تلصق فيها البويضة وتنغرس ويستوي الحمل *

وبما انه ينزل عندي …. البطانه تكون سيدة فتنزلق البويضه وما تلصق وما يستوي حمل*

قالي هذا السبب اغلب الحالات اللي عالجها كان فيها هالشي والسبب انه كل عيادات النساء يسوؤن تحليل هرمووونات اول الدورة بس وما يتابعووونه لين اخر شي عشان يشوفووون وين اللخبطه*

قالي العلاج اسهل …وعطاني حبوب ما اذكرهن …وقالب تعالي الدورة أليايه لو يتج او تأخرت فكل الحالات تعالي*

قبل موعد دورتي باسبوع نزل عليه دم فاتح … وعقبها باسبوع يتني يوم سرت له قالي هاي علامة زينه … وكملي على نفس العلاج بس تعالي اليوم ال 21 وباعطييج إبرة تثبيت … وصار نفس ما قال وعطاني دوفاستون بعد*

المهم كان موعد دورتي بالسبت …. قالي لو ما يت لين الأربعاء تعالي / وطبعا من السبت لين الأربعاء يتني كل أعراض الدوره كللللها / الم فالبطن والظهر و احس انها تنزل وكل شوي أجيك …. يوم الأربعاء اتصلت فيه العصر وقلت له ما اقدر ايي احسها بتنزل عليه قالي سوي تحليل منزلي واتصلي خبريني*

سويت قبل صلاة المغرب وشفت أحلى علامة (+) …. سييييدة سرت وسويت تحليل دم فعيادة قريبه وقالوا لي " مبروك حامل " يا رب كلكن تسمعنها يااااا رب*

والحين بكمل متابعة الهرمونات عنده احتياط ….بس مره كل شهرين اعتقد*

هاي تجربتي وأنصحكم تسيرن له بدال ما تعذبن عماااركن في علاجات الله العالم جانها بتفيد ولى بتضر …. وندمت على الثلاث السنين اللي ظيعتنهن ولو أني سمعت نصيحة اختي وقتها جان الحين بيكون البييبي مالي فحظني …. بس الحممممممدللله والشكر له *

والسلام فالختام / وأي استفسار ثاني حاظره على العام او الخاص اللي يريحكم *

منقوووووول. *لعيووووونكم