متأخره عن الحمال وخاطري بتوووووأم اللي بتفيدني حيااج

❧༻آڵسَـْـِْڵٱمَ عليكم ورحمه الله وبركاته ༺❧

شلونكم شخباركم ان شاءالله .بخير 🍃

ببدأ بالمووضوع انا متزوجه وعندي 3 بنات ولد عمره خمس سنين ومتزوجه من 12 سنه

بنت الاولئ جبتها طبيعي والباجي قيصريات

حملت بَعَد ولدي وسقطت من سنتين ونص وقف النبض علئ 3 شهور ونص والحمد لله علا كل حال مو مقسوم لي

وسويت تنظيفات ومن سقطت ماحملت ولا راجعت اي دكتور :

ومن تقريبا سنه كان زوجي يشتكي من الاحصار عزكم الله وراح لدكتور وقاله عندك التهاب بالبروستاتا

واخذ علاجات جم شهر وتعالج ولله الحمد واخر تحليل له تقريبا من سبع شهور وماسوا تحليل من آخر تحليل

لانه يقول ما فيني شي ليش اسوي ؟؟!!

وانا ما آخذ اي موانع للحمل من سقطت ‏​​…. ودورتي منتظمه ولله الحمد اذاا مانزلت بنفس التاريخ

تنزل قبله بيوم او يومين والحمد لله ؛؛؛ ان شاءالله انهاا خيره ومافي حمل من سقطت وزوجي يقول ليش ماتحملين

وانا اقوله مافيني شي دورتي منتظمه وان شاءالله ربي يرزقناا ويتضايق يقول ابيلي ولد مع اخوه

عسئ يرزقنا بالولد الصالح قولوا أمين

دورتي. الشهر اللي طاف 29 انزلت واللي قبله 28 وهذا الشهر توها انزلت 25 اليوم

وابي اراجع الدكتور من باجر ثاني يوم الدوره واللي تعرف برايها شنو تنصحني وين اروح اراجع

يمدحون لي مستشفئ العرف اللي بالجهرا فيه دكاتره شطاار واللي يراجع عندهم مع الله وقدرته يحملون بتوائم

الله يرزقني بالتوأم صبيان ويرزق كل وحده تتمنئ الحمال امين يارب العالمين

اللي مضايقني زوجي يتضايق يقول ليش ماتحملين دام مافيج شي ودورتج كل شهر متنظمه

وانا بعد اتمنئ اخو لولدي يكبر معاه والله كريم

وانا اقوله هذا من الله وكل تأخيره فيها خيره

وللمعلوميه انا كنت احمل طبيعي بدون علاج مجرد ما اوقف حبوب منع الحمل احمل بعدها بجم شهر

ما اطول بس من سقطت ماحملت

الحين شرايكم ابي دكتور شاطر لمثل حالتي وزوجي يقول ماعندي مانع اسوي تحليل جديد

بتقولون ليش توج تفكرين ماراجعتي كل المده اللي طافت ؟؟!

ما ادري ليش ؟!!كل شهر أقـول دام دورتي منتظمه يمكن احمل هذا الشهر ومشت الايام والشهور ومثل

ماقلت عساااا خيره ان شاءالله

وآسفه ع الاطاله وشكرا ع القراءه

واتمنئ الافاده

ناطره الردود