هل تربيتنا لعيالنا نفس تربيه اهالينا لنا؟؟؟؟؟ دعوة للنقاش؟؟؟؟

ثاني شي انا مو متزوجه بس حبيت اقول راي اذا ممكن ……….

مستحيل الوحدة تربي عيالها مثل تربية امها لها لانه بسبب اختلاف الأجيال بس هالشي ما يمنع من ان الوحده تتمسك بالعادات و التقاليد ……

من الشي الي ودي اعلمه عيالي ( بالمستقبل ) من تربية امي الصدق ….

امي عودتنا إنا نقول الصج حتى لو كنا غلطانين ………

مشكورة همسات ليالي على الموضوع

انا هذا الشي مو عارفة اعلمه عيالي
صاروا يتكلون علي بكل شي
خصوصا التدريس …… امى ما درستنى ، بس انا وايد احاتى بعيالي و تدريسهم اكثر منهم.

الشغلة الثانية …. الصلاة
مو عارفة من وين ادخل عليهم و احببهم و اخليهم يلتزمون

الشغلة الثالثة….. قول الصدق
عيالي اذا مسويين شي غلط يألفون عذر ثاني تجنبا للعقاب مو عارفة اعلمهم ان يقولون الصدق دائما حتى لو غلطانين

هذي الشغلات فشلت فيها و ما ادري شلون امهاتنا علمونا هالشغلات

و بعدين في ملحوظة: امهاتنا اغلب الوقت كانوا معانا ما يخلونا عند الخدم كلش ، ألحين شوفي الوضع اغلب اليهال تربية خدم و اغلب وقتهم مع الخدم شلون راح يطلعون ؟ خصوصا ان الأم تداوم الصبح و العصر مواجيب او اغراض بيت او تدريس يعنى كله لاهية عنهم.