بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
ولدي اسم الله عليه ما يبي الا الخدامة تنومه
اذ انا نومته يبكي فترة معينة لما يمل و بعدين ينام ، ما يبيني يبي بس الخدامة تنومه.
قمت اغار منها الصراحة….
شسوي عشان يرضى انومه؟
بس لا تقولون لي خل يبكي كيفه بعدين يتعلم….. لأن قلبي يعورني اذا بكى ، يصير ويهه احمر و يحتر راسه و الدموع اشكثرهم.. يكسر الخاطر….
ولدي اسم الله عليه ما يبي الا الخدامة تنومه
اذ انا نومته يبكي فترة معينة لما يمل و بعدين ينام ، ما يبيني يبي بس الخدامة تنومه.
قمت اغار منها الصراحة….
شسوي عشان يرضى انومه؟
بس لا تقولون لي خل يبكي كيفه بعدين يتعلم….. لأن قلبي يعورني اذا بكى ، يصير ويهه احمر و يحتر راسه و الدموع اشكثرهم.. يكسر الخاطر….
وترا اهي فترة بعدين بيبجي يبيج
وخليها تنومه دام يبيها
اكره ياهل ينام عند الخدامه ما تدرين شنو تسوي فيه حتى لو شنو كانت
ما ابي اخرعج بس حاولي لما تنومه تاخذينه عندج بليل وينام يمج احسن او حاولي تحطينه بحظنج وتحطين له بباي او
اي شي يحبه وخليه عندج لما يدوخ وينام والله يعينج حبيبتي
عندي الياهل توكله الخدامة تبدله الخدامة عادي
بس ما تنومه الا وانا بالدوام
كافي امسك ايدهم وادبخهم والمهم ويقطون راسهم بحظني لين ينامون ..
متى الياهل يحس بحنان امه اكثر من وقت النوم
حاولي تعودينه لي شاف حنانج بيهدها .. مهما كان الخدامة مو بحنية الام ..
والله يوفقج
الله يخليه لج ويحفظه
اهو وقت الليل ينام بفراشه عندي ، بس يبيها اهي تنومه و بعدين تحطه بفراشه و ينام عندي بالغرفة،
بس لازم يحس فيها اهي اللي تنومه…
و هو عمره 3 شهور اسم الله عليه، و نومته بالليل مقطعة عشان شذيه لما يصير الصبح أعطيه الخدامة و اكمل نومتي ، و يصادف ساعات وقت العصر او المغرب ابي اتسبح او آكل او اروح الجمعية أو عندي مشوار عشان شذيه اهي تنومه بعد ، فلما يصير الليل ابي انومه ما يرضى ، فأخليها تنومه و تسدحه بفراشه عندي بالدار و اهي تروح دارها….
امي تقول: خل يتعود عليها عشان لما تداومين ما يتعلق فيك و الياهل مع الوقت اذا سافرت الخدامة راح ينساها….
انا خايفة من هالنقطة اخاف ما ينساها و يظل يبكي.
بس انا ألعبه و اسولف وياه ، يعني ما اتركه دايماً عندها….. بس الظاهر لما كان فيه مغص و غازات و كان يبكي ، كنت أتوتر لما ابي أسكته ، عشان شذيه كنت اعطيها إياه تسكته لأن اعصابها هادية ، و مع الوقت تعود عليها.
شوفي اهي بالها واسع معاه غيرج انتي تبينه بسرعه ينام
انا اخليها تنومه ولمن ينام ايبه عندي وكل قعداته اللي بالليل
والفير انا افزله واغيرله وارضعه وكل شي وصدقيني ترا بيحس فيج
انتي فهمتي قصدي عدل ما شاء الله عليج.
صح كلامج ، اهو اذا قعد الفير انا ارضعه و ارد أنومه ، فأكيد يحس فيني ان شاءالله.
الله يخلي لك عيالك.