تخطى إلى المحتوى
الرئيسية » الافلام المناسبه لعمر سنتين وشهرين

الافلام المناسبه لعمر سنتين وشهرين

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم
حبايبي بغيتكم تفيدوني بشي

بنتي عمرها سنتين وشهرين وواااااااااااااايد تعبانه معاها واايد حناانه وبجااايه ومتعلقه بخدامتها بطريقه مو طبيعيه لي درجه عندها استعداد تتخلى عني بس مو مستعده تتخلى عن خدامتها


قاعده احاول اشغلها باباي او افلام يهال علشان اطخ شوي بس ماكو شي يشد انتباها
ياريت الي تعرف شنو الباباي او الافلام التعليميه المناسبه لعمرها
اتمنى انكم تفيدوني ويعطيكم العافيه

الوسوم:

9 أفكار بشأن “الافلام المناسبه لعمر سنتين وشهرين”

  1. brinhu
    الرد
    حطيلها توم وجيري و فيه ميكي ماوس و shaun the sheep هذا يموتون عليه عيالي عمرهم الكبير سنتين ونص و الصغير سنه ونص و بعد بوقتادة وبو نبيل و فيلم الباندا انشالله اكون فدتج

  2. madiha
    الرد
    حطيلها باني وبرامج تعلمية وحطيلها افتح يا سمسم وسندريلا وسنو وايت وأكيد عنها شخصية مميزة وتحبها كثري منها في أفلام ومسلسلات ولعب والله كريم

  5. kamiliya
    الرد
    مشكورين حبايبي ماقصرتوو
    اغلب الي قلتولي عنهم حاطتهم لها مايشدون انتباها

    ماتدرون وين الاماكن الي اروحلها اتفيدني وتنصحني بهالشي

  7. amira
    الرد
    متعوده عليها لانها علي طول وياااها خليها علي طول وياج واذا طلعتي اخذيها وياج نصيحه لاتخلينها تتعلق بالحدامه حرام اشلون تحسين بالامومه انا ولدي عمره سنتين و6 شهور اذا طلعت قبل مايهتم بالبيت مع اخوانه ومع الخدامه وبعدين قعدت افكر اقول ليش ماخذه وياي يطالع ويتفرج ويستانس ومن عقبها واهو ماصدق خبر فديته كل مالبست عباتي راح يجيب نعولي ونعوله لبي قلبه والحمدلله متعلق فيني اكثر من الخدامه كافي بالدوام نروح واهم عندهم حرام تري والله خليها تحس فيج وبامومتج ناحيتها تري اذا سافرت الخدامه انتي بتاكلينها تبينها تتعلق فيج طلعيها وياج اي مكان انا حتي القايله لي رحت الجمعيه خذيته وكله قاعد وياي بالصاله انا اكله انا اشوفه اهي يادوب بس تلبسه وتغسله تحت اشرافي اذا كنت بالبيت وهم اهو كبير يلعب مع اخوانه واهم كبار عينهم عليه

    وسوي طريقتي وشوفي اشلون ماتهددددددددج مثل ولدي اذا بروح لحريم بس مايروووح ابداا انخش منه عدل ونسوي خطط للنحشه وتوم جيري يموت فيه اذا شافه ينسي كل شي ويويله اللي يسكر الدي في دي ويضحك عليهم فديت كشرته

  8. kamiliya
    الرد
    بالعكس غرشة عطر بنتي على طووول وياي وين ماروح وياي بس لازم معاي خدامتي لانه اخاف عليها بالسياره انا اسوق ماقدر اجابلها وهم محد يلبسها وحممها غيري ماخلي الخدامه حتى تكرمين لمن تروح الحمام انا اشطفها ماخليها تقرب صوبها بس بنتي تبيها لانه ماتقولها لاااء عادي عندها لمن تشوفها تسوي شي غلط تسكت عنها عكسي انا ما ارضى مثلا لمن تشخبط بالطوفه ولا تلعب بالعطور من جذي ما تبيني

    حتى جم مره ازف خدامتي واقولها لاتخلينها على راحتها لااازم تقوليلها لااء على الغلط
    بس شسوي الله يقدرني عليها وعلى اخوها

  9. مريم
    الرد
    انا ولدي يحب نيمو وتوم اند جيري والافلاك اللي فيها حيوانات تشده حيييل .. انت شوفي شنو اكثر شي يشد انتباها وحطي لها ودايما سولفي معاها عن كل شي وجيبي لها عصافير بالبيت او سمج او كتاكيت وانتي اهتمي فيهم بس خليها اهي تساعدج.. انا ولدي حيييل يحب الحيوانات والحين جايبتله كتاكيت وحده متشقق اذا طلعنا يروح يودعهم واذا ردينا يروح لهم على طول..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.