الغيره عند الطفل الاول

انا اقول لا تحاتيين من هالناحية لأن بنتج عمرها كبير وفي فرق بينها وبين الجاي انشاءالله بس انتي المفروض تحاتين انها راح تحاول تلعب دور الأم يعني راح تحاول تشيله وانتي مو موجودة او تسويله ممة او توكلة فديري بالج من هالناحية

مشكوووووووووووووووووووووووورة ياااااااااقلبي
ااااااااه يااااااربي ابروحى انا نااسيه اشلون يجابلون يااااااااااااهل الله يعين

بنتج كبيره تقتدرين تتفاهمين معاها وبالعكس خليها اهي تعتني بالصغير وتساعدج فيه عشان تحبه

ولدي صغير يبتهم ورا بعض وتعالي شوفي الغيره يحذف عليه اي شي بيده ويغافلنا ويمشخه والا يسحبه والله يستر

Eman 12

لاتحاتين كل الامور ان شاء الله راح تكون تمام
وان شاء الله تقومين بالسلامه وتكونين بصحه وخير
ويارب يرزقج الذريه الصالحه ..

ان شاء الله اكيد بتجهزين حق البيبي اوجهزتي ..
فاذا بتجهزين حق البيبي اخذي بنوتج الله يحفظها معاج
وعطيها مهمه الاختيار معاج ووخليها تساعدج بالشرى

وحاوريها واثني عليها وشكريها وبينيلها ان البيبي
راح يكون مستانس منج وراح اقوله لما يكبر ان شاء الله ويبلغج فيه
انج ساعدتيني وانج راح تساعديني لما احتاجج …
وان شاء الله لما تقومين بالسلامه خليها تساعدج بسباحة البيبي وتيبلج اغراضه

ولما تحطين له كريم او كلونيا وهي يمج حطيلها منه راح تستانس وشكريها
على مساعدتها لج حسيسيها بقيمتها …. واهميتها
وفي غلط شائع اشوفه يسووونه وايد ناس لما عيالهم يقربون من البيبي يصرخون
ويزفون ويطردونهم من الغرفه ؟؟؟؟؟؟؟؟؟؟؟
غلط حبايبي اذا ماسوى شي ليش الزف يمكن قاعد يتامل ففي هذي الحاله
خذي عيالج ولميهم وقوليلهم تعالوا خل نشوفه وهو نايم خل نتطمن عليه
شوفه شحلوه باجر يكبر وبتلعبون معاه وخليها تقعد يمه تحرسه اذا بتسوين شغله بسرعه بالبيت
ووصيها انها تناديج لما يصحى ….
عطي مثلا اختج او امج او ابوها وقوليلهم اخذوها وخلوها تشتري هديه للبيبي وكانج ماتدرين ولميها وبوسي راسها وردي بالمثل وقولي لها هذي من البيبي حقج …. ادري اذا كان اكبر كان راح يشتريلج مثل ماشريتيله … ان شاء الله اكون وفيت واستفدتي واسفه عل الطواله …
والله يكتبلج السلامه وتتولدين بالسلامه وان شاء الله سهالات من رب العالمين
وان شاء الله مافي مشاكل بنوتج الله يحفظها كبيره وان شاء الله بتعاونج ..

لا تحاتين دام انها كبيرة بتساعدك وانتي طبعا لا تطيرين بالجديد قدامها حاولي انك تمدحينها هي شلون كانت وهي صغيرة..

وحاولي انك تخلينها تسوي له أي شي تعلمينها عالخفيف عشان تحس بالمسئولية أكثر من الغيرة..