الرضاعة الطبيعة . أمنية بس صعب تحقيقها للأسف

شلونكم بنات

أنا توني والدة من اسبوع ويبت بنوتة ربي يحفظها ويحفظ لكم عيالكم
وربي يرزق كل محرومة ياااااارب

بنات مشكلتي أني ابي ارضعها طبيعي ومتمنية هالشي خاصة ان ولدي مارضعته
المشكلة الاولى ان صدري مايدر حلييييب الا شووووي وخفيف
احسها ماتشبع تعور قلبي

يعني احطها على صدري 40 دقيقة وعقب ساعة تقوم تبجي يوعانة!!

المشكلة الثانية تابعة للاولى،، لما احطها على صدري ترضع 5 دقايق وعقب تناااام!!!! اقعدها العب بخدها وريولها ماكو فايدة مصتين 3 وترد تنام

وهذي حالتي كل ساعة ونص ارضعها واقعد لين ينكسر ظهري وبالنهاية شووووووي

قمت اشفط،،،، بس شالفايدة بنات لا استفدت أنا ولا هي على صدري

والفير بس حزة نومتها الاخيرة أعطيها صناعي سيميلاك عشان تشبع وتنام

ابي رأيكم عفية
اكمل على جذي
ولا أعطيها حليب صناعي وخلاص أخاف احس بتأنيب الضمير
ولو أني لما افكر اقول مردي بداوم عقب جم شهر وأكيد بوقف رضاعة

الله يخليكم قولولي رايكم وتجاربكم
واااااايد محتارة ومأثر الموضوع على نفسيتي واااااايد