بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم بنات..
انا بنتي كانت معها اعراض اللحمية من شخير وانقطاع نفس بالنوم..وراجعتها عند مستشفى زين بالصباح و قرر لها الدكتور عملية و قال بيشيل اللوز مرة وحدة…وبعد مسكينة عندها تجمع ماي ورا طبلة الاذن وماراح بالمضاد الحيوي..فالحين مادري محتارة اسوي العملية عندهم ولا اخذها لمستشفى خاص يمكن القى طبيب احسن…فاتمنى تساعدوني بتجاربكم اللي سوو العملية هذي..عند اي دكتور و منو احسن طبيب يسوي بالحكومة و الخاص؟؟ و شنو وضع الطفل بعد العملية ..تكفون بنات ردوا علي ترى نفسيتي وايد تعبانه بسبة هالموضوع و محتارة وين اودي بنتي وعلى فكرة عمرها سنتين…
السلام عليكم بنات..
انا بنتي كانت معها اعراض اللحمية من شخير وانقطاع نفس بالنوم..وراجعتها عند مستشفى زين بالصباح و قرر لها الدكتور عملية و قال بيشيل اللوز مرة وحدة…وبعد مسكينة عندها تجمع ماي ورا طبلة الاذن وماراح بالمضاد الحيوي..فالحين مادري محتارة اسوي العملية عندهم ولا اخذها لمستشفى خاص يمكن القى طبيب احسن…فاتمنى تساعدوني بتجاربكم اللي سوو العملية هذي..عند اي دكتور و منو احسن طبيب يسوي بالحكومة و الخاص؟؟ و شنو وضع الطفل بعد العملية ..تكفون بنات ردوا علي ترى نفسيتي وايد تعبانه بسبة هالموضوع و محتارة وين اودي بنتي وعلى فكرة عمرها سنتين…
انا ولدي سويت له عمليتين وعمره سنه بضبط
شلت الحميه وحطيت له انابيب بالاذن كان عنده ماي والتهاب ماراح بالعلاج فقال لي الدكتور لازم انابيب
بالاذن والحمدلله سويتهم وطلع بنفس اليوم والعمليه اخذت تقريبا ساعه الا ربع
ولما طلعت البيت شوي كان يحن ويبجي ويرجع من البنج
حتي يرجع مثل الدم وكلمت الدكتور وقالي طبيعي عادي والحمدلله ثالث يوم مافيه الا العافيه
مسكين ارتاااااح قام ينام ويتنفس عدل ويشرب حليب
قبل العمليه كان بس يقعد بالليل ويبجي ويطق بيديه علي اذونه وراسه
لين اكتشف الدكتور شفيه لان اذنه حيييل تعبته مسكين
وللعلم ولدي بعد عنده لوز بس قالي الدكتور صبري عليه لما يكمل ثلاث سنين واشيل له اللوز
والحين حبيبي يكمل بس شهر ثلاث سنين
شلت لها اللوز واللحميه بالصباح عند دكتور منصور وايد زين مصري
خلوها اسبوع بالمستشفى كلمت ويييييييييييييييييييييييع شوي على المستشفى وايد تاذيت وايد وايد وايد
ولمن طلبعت من المستشفى حسيت ان مسجونه وافرجو عني لمن رديت البيت بعد محد شافها بس امي وابوي اليوم الثاني جان يصير فيها عنقنقز وديتها جان يقولي الدكتور ماخذه عدوى من المستشفى قلتله ماشافت احد حتى قالي لازم ماتسخن بس الحمد الله وديتها طيبه كلينك عطوها مضاد وراح عنها بخمس ايام
واذا بتسوينها لاتفكرين بالصباح ترى انا بعيده علي بس في دكتور متعنيه عشانه وقالي اهو بيسوي العمليه واخر شي كشت فيني ماسوى حق بنتي ولا شي
عمدج الاتصالات تاخذين تحويل بس ما دري من وين سالي احد
احسن مستشفى لي الحين الاتصالات
تحسفت ماسويتها هناك
اخوي مسوي حق بنته يقولي نيموها يوم واحد بس انا بنتي اسبوع قالي عشان فيها كحه نبي نتطمن عليها
بس معاملتهم زفت اسلوبهم زفت نص الليل ييون يصفعون بالباب ويبطلون الليتات ويروحون والله العظيم تنزفزت
ييون بيعطونها الدوا لاتشيفون نفسيتهم اهيا خافت منهم قمت انا اعطيها
كل شوي ييون يطلون بالغرفه يبطلون الليت ويخلون الباب مبطل ويمشون تخيلي كل شوي اقوم اسكره
انا خذيت غرفه خاصه عشان ارتاح وبنتي ترتاح وايد تاذيت حسبي الله ونعم الوكيل فيهم
والله ما انسى
سويها بالاتصالات احسن لج
او قطي فلوسج بالشمس واوقفي بالذلال
انا ولدي عمره خمس سنين توني سويت له العمليه قبل شهر عند
الدكتور سند الفضاله استشاري انف واذن وحنجره بمستشفى طيبه
وقعدنا بالمستشفى خمس ساعات وطلعنا لما فاق ولدي من البنج
وعنايتهم صراحه ممتازه شالوا اللوز واللحميه وسدوا الاذاني لان ورا الطبله ماي سحبوه وسدوا اذانيه
بس تقعدين ست شهور والبلاستك في اذونها ولايجيها ماي اذا جاها ماي تلتهب ويصير عوارها مولم
بس ترى بتتعبين معها اذا راح مفعول البنج يعني لماتطلعين البيت
لان ولدي يرجع دم تكرمين ومايقدر يبلع حتى الايس كريم
تعبت معاه صراحه اول يوم
بس من ثاني يوم ماشاء الله
انصحج في سند الفضاله بس ارجع واقول بنتج صغيره على عملية اللوز
كانت مسكينة ما تنام طول الليل تشخر وينقطع نفسها وكله تتحلم وتبجي غير انها كانت على طول مريضة وخشمها يصب ومانفع معاها اي علاج .
سوا لها لوز ولحمية وكوي حق الجيوب لانه كانت فيهم مشكلة وحط لها تيوب بالاذنين لانه كان فيهم تكرمون ماي وصديد يعني حالتها كانت سيئة حيل بس الحمدالله سوا لها العملية اخذت ساعة تقريبا وأول ما خلص العملية على طول يا وطمني حتي قبل لا يغير هدوم العمليات.
قعدنا عندهم من الصبح لي المغرب وبعدين شيك عليها وقال تقدرون تطلعون …تعبت معاها شوي اول ما صحت من البنج وأول يومين لانه عمليتها كانت صعبة بس عقبها الحمدالله فرقت معاي واااايد اسم الله عليها قامت تنام عدل وما تشخر حتى صوتها تغير وصار ناعم والحمدلله ما قامت تمرض مثل اول … وعلى فكرة اخذ منا تقريبا الف دينار بس بصراحة ماني متحسفة عليهم لانه بنتي وايد ارتاحت
بمستشفى الهادي دخلنا الصبح وطلعنا العصر
دخلنا الصبح والعصر طلعنا
كلفتنا العمليه اللحميه وعمليه الاذن طلعوا ٤٠٠ تقريبا
وطبعاً راح يعطيج تعليمات بخصوص الادن لازم مايدخل فيها ماي والا راح تلتهب
والانابيب اللي بالاذن بعد تقريبا ست شهور الي سنه يطيح بروحها اهيا عباره عن
بلاستيكه صغيره
لاتحاتين ولاتطولين علي بنتج سويها خليها ترتاح حرام انتي روحي لدكتور سند الفضاله
استشاره وشوفي شقول لج
وتوكلي علي الله