تجمع امهات المواليد الخدج

افا مافي احد يرد علي وينكم بنات

حبيبتي نو-من

طمنتي قلبي بابعد عمري مشكورة الله يطمنج على عيالج وحبايبج ان شاء الله

انا بنتي خدج يبتها ست شهور واسبووع يعني 28 اسبووع قعدت خاص اسبوع ودوها حكومه شهرين الا
وزنها كان كيلو الا اقل شوي الله ستر والله تعب واااايد وبجي وااايد وكاهي الحين اشحلاتها
بس الله يعينج علا العساااااااااااره والبجي والمراجعات ليه عمر السنه السمع والنطق والحوض والقلب ابر رئه مراجعات دوريه
فيتامينات بالحليب والعيون بعد
بس روحي الحكومه تطمني لان مو اوادم عادي بربيش الحليب مو عدل والشفايف متشققه والياهل اير الوايرات
وينادونج مرات بليل يبون دم ولا يسولج تحليل كل ما كنت اروح اعدل بنتي واعدل الوايرات واييب معاي فازلين او اقولهم لان وايد يهال بالغرفه ووحده عليهم كانت بالصباح بنتي واخر الفلم حلصو اماكن العرج عشان الدرب والمغذي حطووه براسها وقرعوها مو عدل مت من البجي علا شعرها انشالله ماكو شي لا تحاتي مكان اكو مثل حالت بنتي كانت اصغر وحده وحالتها حرجه كل جم اسبوع يحطونها بالعنايه المكزه ويرودها ومايطلعون الياهل الا اهو كامل ووزنه زين لا تخافين

سلام عليكم
حبيبتي انا عندي بنتين خدج و لدتهم بأول الاسبوع ال31 و كانت اوزانهم 1400 و 1530 و بالايام العشرة الاولى نزل وزنهم وصاروا 1300 و الثانيه 1420 كانوا وايد صغار و ماكنت اعرف اتعامل معاهم و النفسية كانت زفت كنت خايفة عليهم وايد و كله متخيلة لا سمح الله بيصير فيهم شي..والسبه احجامهم بس الحمد لله طلعوا من المستشفى واوزانهم قريب الكيلوين تقريبا اقعدوا بالحضانه 3 اسابيع و اسبوع برة الحضانه…ولما اخذتهم البيت كنت وااااااايد حريصه عليهم اول الشي ديري بالج من التكيف العالي لا يمرض الياهل ولا ينسد خشمة لان مناعته ضعيفة وايد فديري بالج.. و ماكنت استخدم بتنظيفهم اي مواد كيماوية ولا صابون ولا شامبو طبعا حسب توصيه الطبيب (ولدتهم بلندن) بس ماي خالي وهذا لما يكملون الاسبوع الاربعين…وعطيهم فيتامين كل يوم و حديد و فولك اسد …لان جسمهم محتاج ويستفيد من هالاشياء بسرعه حسب كلام الطبيب…وبسبب ولادتهم المبكرة يكون الجهاز الهضمي مالهم بعد مو مكتمل فبتلاحظين مشكلة الغازات ومعروف ان الاطفال الخدج يعانون من الغازات اكثر من غيرهم…فمالج الا الصبر و بعض ادويه الغازات ماي غريب ولازم اتريعين الياهل اكثر من مرة خلال الرضعه عشان تتخلصين من اكبر قدر من الغازات…وانشالله من تطلع بنتج لازم تودينها الطيبب بشكل دوري عشان يطمنج على صحتها و يتابع نموها…ونصيحة لا اتطوفين ولا رضعه عشان تكبر بنتج بسرعه و تصير طبيعيه انشالله باسرع وقت انا الحين بناتي عمرهم 4 اشهر و اوزانهم تقريبا 5 كليو يعني كانهم بو شهرين ..ووحدة معاها فتحة بالقلب الله يشفيها يارب….ومثل ما قالت اللي قبلي اول شهرين تعب بس بعدين تحسين ان بنتج صارت طبيعية…الله يطمنج عليها يارب و تشوفينها عروووووسه

عمري داااااام خدج يعني فيه مراجعات دوريه بالصباح او اي مستشفى كان فيه مع كل مراجعه الدكتور اهوو الي يحدد
متا نغير الحلييييييب ومتا نوقف قطرات الفيتامينات بالحليب