الى مدخلة عيالها المدرسة الباكستانية تدخل ضرورى

تدرين بعلم النفس يسمون اسلوبهم .. اسلوب الاوعية الضاغطه ؟؟ يعني مثل جدر الضغط .. حشوووو و يبون الطفل يتابع و يلحق عليهم … لو نظامهم زين ماخلوه الاجانب … جان لقيتي المدارس الانجليزية و الامريكية نفس الشي

طير شلوا …. توكلي على الله و خليه بالحكومية و تابعيه عدل و ديري بالج عليه و بالصيف دخليه دورات انجليزي و القاعدة الحلبية و ما عليه الا العافية

احنا نهتم لما يكونون عيالنا بمدارس خاصة لاننا دافعين و نضل ورا الياهل و المدرسه …ولما ندخله للحكومية …. نخليه و نقط الحمل كله على المدرسه و نقعد عقب نتحلطم
طيب ليش ما نجابلهم مثل ما نجابلهم و اهم بالخاص ؟؟؟ والله يطلعون من اورع ما يمكن ..
ترا هالحجي اقوله عن نفسي … لما ولدي دخل الباكستانيه كنت متابعته يوميا ابطل الجنطه و اتابع و اغصبه على الدراسه و الكتابه … بس ما كنت اسوي هالشي مع اخوانه اللي اكبر منه ..ماكانو كسالى .. بس مو نفس درجة الاهتمام … وانتو قارنو اهتمام اي ام ولدها بالخاص او العام و شوفو ..

احنا ماخذين مدارس الحكومه كشيء مسلم فيه …. يعني "غصبن عليهم الابلات يتابعونه " شحقه ندرسه احنا ؟؟

و الحمدلله الحين الولد ممتاز بالمدرسه و اتابعه قد ما اقدر … و دخل القاعده الحلبية و تحسنت عنده اللغة العربية و الانجليزي اراجع له قد ما اقدر و الحمدلله راضيه عن مستواه و اشجع بنت خالتي اللي ولدها بعد بالباكستانيه انها تسوي مثلي

ارحم لليهال