شلونكم بنات شخباركم ؟؟
بما اني وايد متنرفزة حبيت اقولكم الموقف الي صار معاي اليوم … وابيكم تحطون نفسكم بمكاني وتحكمون …
انا كنت متصلة على مدرسة خاصة ( ماراح اذكر اسمها الحين ) وسائلتهم عن التسجيل حق ثانية روضة السنة اليايه ..
قالوا لي ان المدرسة full ومافي اي امكانية لهالمرحلة انها تستقبل يهال … قلتلهم حلو .. حطوا اسم بنتي على قائمة الانتظار … قالت لي المدرسة المسؤولة .. انسي تحصلين على مكااااااان الصفوف حق 2 روضة اكتفت تمااااامااا
انا غسلت ايدي من السالفة وقلت الله كريم ربي مو كاتبلي اسجل بنتي بهالمدرسة
بعدها بسبوع رن رقم تليفوني … ورديت والا سكرتيرة المدرسة تقولي ان المدرسة طالبة تقابل بنتي !!!
بس بليز مدام لازم اتيبينها بالوقت ماتتأخرين ولا دقيقة !!! انا انصدمت وحدي استانست وقلت يالله ان شاءالله نروح وتنقبل بنتي وانا الحمدالله واثقة فيها انها ماراح تفشلني بالامتحان …
رحت حق مسؤولي بالدوام وطلبت استئذان … قالي انه صعبة لأن يومها زحمة وعندنا ظغط بالشغل … وايد تظايقت وفهمته الموضوع وبطلعة الروح قالي لازم تداومين وقبلها بنص ساعه تطلعين وتخيلوا انااااااا دوااااااااااااااااامي حيييييييييييييييييل بعيد عن المنطقة الي فيها المدرسة … واطلع حد الدوسة واروح مدرسة بنتي واطلعها من مدرستها وابدل ملابسها بالسيارة وبسرعه بسرعه واوصل المدرسة بالدقيقة بنفس الوقت وصلت … شفت السكرتيرة اخذت مني البيانات
جان تقولي : اسفة مدام بنتج مالها موعد اليوم واحنا غلطانين هذا امتحان اولى ابتدائي مو ثانية روضه … وانتي الي غلطانة لازم تستفسرين بالضبط عن الامتحان حق اي مرحلة !!!!!!!
بنات بكمل لكم الباجي بس بروح اخذ حبتين بندول … والي تقرى كلامي ترد علي الله يعافيكم اي رد لو رفع بس لان ضغطي حاليا وصل 100000000000
شلونكم بنات شخباركم ؟؟
بما اني وايد متنرفزة حبيت اقولكم الموقف الي صار معاي اليوم … وابيكم تحطون نفسكم بمكاني وتحكمون …
انا كنت متصلة على مدرسة خاصة ( ماراح اذكر اسمها الحين ) وسائلتهم عن التسجيل حق ثانية روضة السنة اليايه ..
قالوا لي ان المدرسة full ومافي اي امكانية لهالمرحلة انها تستقبل يهال … قلتلهم حلو .. حطوا اسم بنتي على قائمة الانتظار … قالت لي المدرسة المسؤولة .. انسي تحصلين على مكااااااان الصفوف حق 2 روضة اكتفت تمااااامااا
انا غسلت ايدي من السالفة وقلت الله كريم ربي مو كاتبلي اسجل بنتي بهالمدرسة
بعدها بسبوع رن رقم تليفوني … ورديت والا سكرتيرة المدرسة تقولي ان المدرسة طالبة تقابل بنتي !!!
بس بليز مدام لازم اتيبينها بالوقت ماتتأخرين ولا دقيقة !!! انا انصدمت وحدي استانست وقلت يالله ان شاءالله نروح وتنقبل بنتي وانا الحمدالله واثقة فيها انها ماراح تفشلني بالامتحان …
رحت حق مسؤولي بالدوام وطلبت استئذان … قالي انه صعبة لأن يومها زحمة وعندنا ظغط بالشغل … وايد تظايقت وفهمته الموضوع وبطلعة الروح قالي لازم تداومين وقبلها بنص ساعه تطلعين وتخيلوا انااااااا دوااااااااااااااااامي حيييييييييييييييييل بعيد عن المنطقة الي فيها المدرسة … واطلع حد الدوسة واروح مدرسة بنتي واطلعها من مدرستها وابدل ملابسها بالسيارة وبسرعه بسرعه واوصل المدرسة بالدقيقة بنفس الوقت وصلت … شفت السكرتيرة اخذت مني البيانات
جان تقولي : اسفة مدام بنتج مالها موعد اليوم واحنا غلطانين هذا امتحان اولى ابتدائي مو ثانية روضه … وانتي الي غلطانة لازم تستفسرين بالضبط عن الامتحان حق اي مرحلة !!!!!!!
بنات بكمل لكم الباجي بس بروح اخذ حبتين بندول … والي تقرى كلامي ترد علي الله يعافيكم اي رد لو رفع بس لان ضغطي حاليا وصل 100000000000
الله يعينج
ياااااااااااااااااااااالله
شنو هذا شضغط نفسي مايحسون بالواحد اه
حسبي علي حدونا الي مدارس الخااااااااااصه وربي قهر
ربي يعينج بس فكري فيها ناحيه ،ثانيه
شلون:؟قول كل سبب له معنا صح ولا لا
الله مو كاتب لج والمدارس واجد ولون الله يعينج
لاااتضايقين واي شي يحصل لج فكري في ان مجرد حدث،والله كاتب بيكون إن شاء الله
بس كتبي لنا اسم مدرسه نبي نعرفها لي نتجنبها اذا هذا سلوبهم فكري فيها ربج يحبج ويحب بنتج انتي مافيها
والله يعينج لاتحطين بالج
سلام عليكم
وماتشوفين شر
وما تدرين يمكن خيره الله ما يكتب لنا الا الخير وحطى هالشئ ببالج
على العموم موفقه ولا تحرين نفسج
عموما اكمل لكم السالفه …
بعد ما قالتلي ان في غلطة صارت وان بنتي حاطين لها موعد حق اولى ابتدائي واهي المفروض تروح ثانية روضة .. انا تنرفزت وايد وعصبت عليهم قلتلهم عيب عليكم مدرسة بهالمستوى مافيها تنسيق !!!!!!!!!!! قلت لهم انتوا تبون اولياء الامور يحترمونكم ويحترمون مواعيدكم وانا طالعه وهادده شغلي ويايه من ىخر الدنيا واحترمتكم ووصلت بالموعد وآخرتها تسوون جذي !!!! لاتحتمون مواعدنا واحنا عندكم بالطقاق الي يطقننا !!! قلت حق السكرتيرة ماني طالعه من هالمدرسة لما تنادين لي المديرة … راحت ونادت لي وحده من المدرسات , قامت تهديني وتقولي خلاص احنا بناخذ بنتج نمتحنها ونشوف يمكن يفتحون صف يديد او احد يكنسل فتكون البنت خلصت امتحان القدرات … المهم انا ادري ان هذا فلم وحسبالهم انا مقصة بس قلت يالله خل تروح بنيتي ونشوف شبتسوي !!
بعد انتظااار طال نص ساعه رجعت مدرسة ثانية وماسكة ايد بنتي ومعاها اوراق فيها رسمات بنتي للأشكال وكتابتها للارقام والحروف بالانجليزي وحتى بنتي كاتبة اسمها بالانجليزي … المهم جان تقول لي المدرسة : اعتذر عن الخطأ الي صار بس هذي مو غلطتنا !!!!!!! اخ ياقلبي ماتبي تقول انها غلطانه صج عينها قوية !!! قلت لها مو مشكلة متى نتيجة بنتي علشان اعرف اذا اسجلها بمدرستكم والا بمكان ثاني ؟؟ جان تقول النتيجة ان ماكو اماكن والظاهر انتي تبيني اقولج ان بنتج سقطت علشان تروحين تدورين لها مدرسة ثانية !!!!!!!!!!!!!!!!!
انا اهني جننه احد معطيني طراااااااق !!1 قلت لها انا مو ميته على مدرستكم بس رجاااااااااااااااااء لا تقولين ان بنتي سقطت انا قاعدة اشوف الاوراق كاهي البنت كاتبة وراسمة وكاتبة اسمها !! انا ما ابي الا الصج مابيج تجذبين علي !!
جان تقولي : بنتج ناجحه بكل شي بس ما تتكلم انجليزي وما تتحاور , قلت لها يعني اليهال بعمرها الي اب 2 روضه كلهم يتكلمون بطلاقة , قالت لي اي , قلت لها بس بنتي مو لغتها الاولى الانجليزي , هل كل اليهال لغتهم الاولى الانجليزي , قالت اي
قلتلها قبل لا اطلع .. الظاهر مدرستكم حق البريطانين بس !!!!!!!!!!!
وهذي قصتي مع ال bsk الي الكل يمدحها ويقول عنها من احسن المدارس بالكويت وانا كنت بدفع دم قلبي عليها
كلها جذب اب جذب وبصراحه توبة توبة خلاص مابي ادخل بنتي مدرسة كلها اجانب … وسلامتكم والحمدالله خيرة من رب العالمين افتكيت منهم
الله يعيينج ..
بس الحمدالله خير انشالله والله يوفقج انشالله
وانا استخرت ربي سبحانه واهو الي راح يوفقني بالمكان الي فيه الخير لي ولبنتي